ADVERTISEMENT

സുഗതകുമാരിയുടെ ഒന്നാം ചരമ വാർഷികദിനത്തിൽ കവയത്രിക്ക് ആദരാഞ്ജലികളുമായി ഗായകൻ എം.ജി. ശ്രീകുമാർ. വയലാർ ഗോപാല കൃഷ്ണൻ എഴുതിയ ‘സുഗത പാടുന്നു’ എന്ന കവിതയാണ് എം.ജി. ശ്രീകുമാർ ആലപിച്ചിരിക്കുന്നത്. 

 

സുഗത പാടുന്നു

വയലാർ ഗോപാല കൃഷ്ണൻ

 

ഒരു കുഞ്ഞു പുൽത്തുമ്പിലലസം തലോടുന്ന

ചെറുതെന്നൽ പോൽ തഴുകിയൊഴുകും

കവിതയും കൊണ്ടു നീ പോയി കാട്ടോമന–

ക്കുരുവികൾ പോലും നിശബ്ദരായി

പതിതർക്കു വേണ്ടിക്കവിതകൾ കൊണ്ടാത്മ-

ഹരിതം പകർന്നു നീ നല്കി

പലകുറിയവിടുത്തെ കരൾ വിങ്ങുമാമുഗ്ദ്ധ

സ്വര സിന്ധുവിൽ ഞങ്ങൾ മുങ്ങി

ഒരു കാട്ടുദേവാലായാങ്കണമണിയുടെ

അകമെരിയും ഗദ്ഗദത്തിൽ

ശിലരൂപ കന്യമാർ കൈകളിലേന്തിയ

കരിവിളക്കിൻ ധൂമ മലിയേ

പകുതി കത്തി തീർന്ന നൂൽത്തിരി പോൽ നിന്റെ

കവിതകൾ മനസ്സിൽ നീറുന്നു

മധുരക്ക് പോകുന്നു മാധവനെന്നറിഞ്ഞൊ–

രുമാത്ര കാണുവാനോടി

പല കുറി പിന്തിരിഞ്ഞുഴലുന്ന കണ്ണന്റെ

തീരുമുഖം നോക്കി മിഴി പൂട്ടി

ഒരു കടമ്പിൻ ചെറുമൊട്ടു പോൽ നിന്നൊരാ .

വ്രജ കന്യ ഗോപികാ ദുഖം

ഇനിയും മനസ്സിൽ കവിതയില്ലന്ന നിൻ

വചനത്തിലല തല്ലിയൊഴുകി

മീര പാടുന്നു നറും പാട്ടിലാകാവ്യ

ചാരുതകൾ പൂത്തുലയുന്നു

സുഗത പാടുന്നു ഇളം കാറ്റിലാ മധുര

സുകൃതികളാർത്തു പെയ്യുന്നു.

 

Content Summary: Tribute to Sugathakumari

 

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
അവശ്യസേവനങ്ങൾ കണ്ടെത്താനും ഹോം ഡെലിവറി  ലഭിക്കാനും സന്ദർശിക്കു www.quickerala.com