ചിന്ത (കവിത)

ചിന്തകളെല്ലാം പറയരുതെ,

പറയുന്നതെല്ലാം ചിന്തിക്കണം.

മുഖംമൂടി മാറ്റാതെ ബന്ധങ്ങൾ

അർഥശൂന്യമായ ചോദ്യങ്ങൾ

ചിന്തകൾക്ക് നിറമില്ല, മണമില്ല, ജാതിയില്ല ഗണമില്ല.

എന്നിട്ടും നീ എന്നിലേക്ക് ഒഴുകിവരുന്നു ഒരു നോവായി.

എന്നിലേക്ക് നീയും നിന്നിലേക്ക് ഞാനും.

ഒരു കടൽപോലെ ആടിയുലഞ്ഞ് വരുന്നു,

ഓർമകൾക്കുള്ളിൽ നീ ഒളിഞ്ഞിരുന്നാലും

ഞാൻ നിൻ മനസിലും മായാതെ നിൽക്കും.

നീയും എന്റെ ഓർമകളും

എത്ര കാലം കഴിഞ്ഞാലും 

എന്നും ഉള്ളിന്റെയുള്ളിൽ നൃത്തമാടുന്നു.

ആ നിത്യശാന്തിക്കായി എന്നും ഞാൻ പൂത്തിടുന്നു

നിനക്കായ്... എനിക്കായ്... നമുക്കായ്...