എന്തേ അറിയുന്നതില്ല ആരും ഞാന് എന്നിലേക്കു നോക്കി
Mail This Article
എവിടെ ഞാന്? (കവിത)
എരിയുന്നുണ്ട് തീയല്ല എന്റെ ഹൃദയമാണ്
പകരുന്നുണ്ട് എണ്ണയല്ല ചുടുകണ്ണീരാണ്
പറയുന്നുണ്ട് കഥയല്ല കഥനമാണ്
എന്തേ അറിയുന്നതില്ല ആരും
ഞാന് എന്നിലേക്കു നോക്കി
എവിടെ ഞാന്???
അവിടെ ഉരുകിയൊലിക്കുന്ന ഹൃദയം പുച്ഛിച്ചു വേദനയോടെ ചിരിച്ചു,
നിന്നില് നീയുണ്ടായിരുന്നില്ലല്ലോ!
പിന്നിട്ടവഴികളിലെവിടെയോ നിന്നെ നീ കളഞ്ഞുപോയല്ലോ,
അതല്ലേ ഞാനിങ്ങനെ നീറിത്തീരുന്നത്!
എവിടെയായിരിക്കും?
ഓലമേഞ്ഞവീടിന്റെ പിന്നാമ്പുറത്തെ കളിയൂഞ്ഞാലിലാവുമോ,
നിലാവും നക്ഷ്രത്രങ്ങളും നോക്കി ആ ഉമ്മറത്തുണ്ടാവുമോ,
ഉച്ചവെയിലിലും മരച്ചില്ലകള് തണലൊരുക്കുന്ന വഴികളില്
കാറ്റിന്റെ ലാളനകള്ക്കൊപ്പം അച്ഛന്റെ വിരലില് തൂങ്ങി നടക്കുകയാവുമോ,
ചാമ്പയ്ക്കാ പെറുക്കിയും മാങ്കനി പൊട്ടിച്ചും കൂട്ടരോടൊപ്പം രസിക്കുകയാവുമോ...
തിരക്കിനടക്കാന് നേരമില്ലല്ലോ
ഇന്നിന് കടമകള് ബാക്കിയല്ലേ
English Summary : Evide Njan Poem By Sreeja M.s