ജാതിപ്പെണ്ണ് (കവിത)
Mail This Article
×
പൂജക്കെടുക്കാത്ത പൂവാണ് നീ
പൂമെത്തപോലൊരു തെറിയാണ് നീ
പൂമുഖത്തെത്തുന്ന മൂദേവി നീ
പൂനിലാക്കുടിലിലെ രതിദേവി നീ
പെണ്ണേ, നീ പെണ്ണാകാനെത്ര പണം വേണം
പെണ്ണേ, നീ വെണ്ണീറാകനെത്ര പെട്രോൾ വേണം
മതമില്ല നിന്റെ മാംസത്തിന്
മദമുള്ള വർണ്ണലിംഗത്തിന്
മാറിനടക്കണം നാറിനടക്കണം,
മൂത്രം മണക്കാത്ത രാത്രിവേണം
കണ്ണേ, നിനക്കൊളിക്കാനെത്ര മാളം വേണം
കണ്ണേ, നിന്നെ ദഹിപ്പിക്കാനെത്ര തോക്ക് വേണം
നീയോ കറുപ്പിന്റെ പ്രേതഭാവം
അവരോ വെളുപ്പിന്റെ പ്രേമഭാവം
ദളിതയാണെത്ര ലളിതമത്രേ
മുലകുടിക്കുംപോലെ സുഖമതെത്രേ
കറുപ്പിനായി സന്ധ്യയും വെളുപ്പിനായി പുലരിയും
ചോര ചൊരിയുന്ന വിതാനമൊന്നിൽ
എന്നും ബലിക്കായി നറുക്കുവീഴുന്നൊരു
പെണ്ണാണുനീ, ഒരുജാതിപെണ്ണാണുനീ.
English Summary: Jathipennu, Malayalam Poem
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.