ലക്ഷ്യം നേടാതെ പോയവൻ - മുഹമ്മദ് ജിഷാദ് മാമ്പ്ര എഴുതിയ കവിത
Mail This Article
അവനിപ്പോഴും ജീവിക്കുന്നുണ്ട്
ലക്ഷ്യത്തെ ചുംബിച്ച്
കൂടെ കൂട്ടാൻ പറ്റാത്തവനായി
എന്തോരു കാരണം
തന്റെ ലക്ഷ്യത്തിലേക്കുള്ള വഴി തടഞ്ഞപ്പോൾ
ലക്ഷ്യം
കൈവെടിഞ്ഞവനായി
വേദന ഹൃദയത്തിനുള്ളിലെ പെട്ടിയിൽ പൂട്ടി
പെട്ടിയിൽ ഉണ്ടായിരുന്ന വിരഹത്തെ മറക്കും സന്തോഷവസ്ത്രം മേനിയാണിഞ്ഞ്
അവൻ ഇപ്പോഴും ജീവിക്കുന്നുണ്ട്
കൂടെയുണ്ടായിരുന്ന പലരും ഇപ്പോൾ പലതുമായി
അതിലൊരാൾ പണ്ഡിതനായ് വന്ന് അവന്റെ നാട്ടിൽ വിജ്ഞാനം വിതച്ചു
മറ്റൊരാൾ ഗവൺമെൻറ് ഉദ്യോഗസ്ഥൻ ആയി വന്ന് അവൻറെ ജേഷ്ഠന് ഒപ്പു നൽകി
വേറൊരാൾ സാധാരണക്കാരനായി വന്ന് അവന്റെ വീടിനു മുന്നിലൂടെ കടന്നുപോയി
വേറൊരാൾ സമ്പന്നനായ വന്ന് അവൻറെ നാട്ടിൽ ധർമ്മം ചെയ്തു
ഒരാൾ ഇരുൾമുറ്റിയ കുണ്ടിയിൽ
മൺകട്ടയിൽ
തലചായ്ച്ച് പുതച്ച് കിടക്കുന്നു
കറകളെ പുറത്താക്കി സുകൃതങ്ങൾ ചെയ്ത് പരലോകത്തിൽ എത്തുമ്പോൾ ലക്ഷ്യം
സാക്ഷാത്കരിക്കുവാനായി അവൻ ഇപ്പോഴുo ജീവിക്കുന്നുണ്ട്