വിഷാദം - ജ്യോതിഷ്പ്രസാദ് എഴുതിയ കവിത
Mail This Article
×
ഉൾപ്രപഞ്ചത്തിൻ വാണിപോലും വിമൂകമാം
ശാന്തനിശ്ശബ്ദമായാ നിഴൽപ്പടം പോലെ
ഊര്ജ്ജിതമായ പ്രകൃതി തൻ അലയൊലികൾ
അന്ത്യയാമത്തിലപ്രത്യക്ഷമായി സർവ്വസ്വവും
വർണ്ണ വിസ്മയങ്ങൾ സാന്ദ്രമായ ഭൂതലം
മാദകമൌനങ്ങൾ പടിയിറങ്ങിയ വാസികൾ
ഭൂഗോളത്തിലുടനീളം ഭദ്രമാം ഭവനങ്ങൾ
ഭൂതക്കോട്ടപോലെ ഭയാനക ഭാവങ്ങൾ
വിശാല രാജ്യപാതകൾ വിപിന്ന ഗതാഗതങ്ങൾ
ഏകകാലത്തില് ഏകീഭാവം ഏറ്റുവാങ്ങി ഏവരും
ദേശവിദേശ വിദ്യാലയങ്ങൾ പോരാടിയിരുന്ന കാലം
വിജനമായി വിജ്ഞാനം വിദൂരത്തിലിരുന്നും
ആനയും ആരവും ആൾക്കൂട്ടവും ആഘോഷങ്ങളും
ജനകീയ ജാഗ്രതയിൽ ഒറ്റപ്പെട്ട ജീവിതചര്യാനുഭവം
സംസര്ഗനിഷിദ്ധ ഏകാന്തവാസം തിരുത്തുമോ-
സന്ധ്യാനാമം രാമനാമ ഗീതം ശോകാകുലം മൂകം
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.