പ്രയാണം – നീതു തങ്കം തോമസ് എഴുതിയ കവിത

ഞാനൊരു ദേശാടനകിളിയായി

കാടും മേടും കടലും കടന്നു ഞാൻ 

ചിറകുകൾ വിടർത്തി പാറിപറന്നിടുന്നു.

മനോഹര സ്വപ്നങ്ങൾ കൺ‌തുറന്നു 

കാണാൻ പഠിപ്പിക്കും സഞ്ചാരപഥം.

യാത്രകളിൽ കാണുന്ന മുഖങ്ങൾ നിരവധി 

ഓരോ മുഖങ്ങളിലും മറഞ്ഞിരിക്കും 

അനുഭവങ്ങൾ വ്യത്യസ്ഥം; 

എല്ലാം ഒന്നെങ്കിലും എല്ലാവരും 

പലരുതന്നെ, ഈശ്വരന്‍ ഒരു 

കലാകാരൻ തന്നെ, അത്ഭുതം.
 

നാടുകൾ, മുഖങ്ങൾ, അനുഭവങ്ങൾ 

പകർന്നു നൽകിയ സ്‌മൃതിപഥം 

എന്നും തേച്ചുമിനുക്കി ഞാൻ ഭദ്രമായി 

കാത്തുസൂക്ഷിക്കും; ഇനിയും.

ഉദ്ധിഷ്‌ടസ്ഥാനങ്ങൾ എനിക്കായി 

കാത്തിരിക്കുന്നു, പോകുവാൻ നേരമായി.

വീണ്ടും ഞാനൊരു ദേശസഞ്ചാരി 

സ്വപ്നങ്ങൾ ഒരു സഞ്ചിയിലാക്കി 

ദൂരങ്ങൾ കീഴടക്കാം; പാറിപറന്നിടാം..
 

Content Summary: Malayalam Poem ' Prayanam ' written by Neethu Thankam Thomas