അപരാധം – ഷബീറ വള്ളിക്കാപറ്റ എഴുതിയ കവിത
Mail This Article
×
എന്താണെന്നറിയാത്ത
ബാല്യത്തിന്റെ
നെറുകിൽ നിഴലിക്കുന്ന
ഏകാന്തതയുടെ
നോട്ടമെറിഞ്ഞു കൊണ്ട്
ചുറ്റുമൊരുപറ്റം
കണ്ണുകൾ
നിത്യേനെ വളർന്നു
കൊണ്ടിരിക്കുന്നു...
അടക്കി നിർത്തിയിരുന്ന
ബാല്യത്തിൻ
നീറുന്ന നനവുകൾ
ആരുമറിയാതെ
വറ്റിത്തുടങ്ങിയിരിക്കുന്നു..
മറന്നു പോകാനെളുപ്പ-
മല്ലാതിരുന്നിട്ടും
മറവിക്ക് വിട്ടുകൊടുത്ത
ബാല്യത്തിന്റെ
നിഴലിച്ച കുറ്റപ്പെടുത്തലിന്റെ
അപരാധ വാക്കുകളുടെ
അർഥം
ഇന്നാണ് എന്റെ
വെള്ളക്കടലാസിൽ
തെളിഞ്ഞത്..
എന്റെ അച്ഛനാരെന്നോ
അമ്മയാരെന്നോ
അവർക്കറിയില്ലായിരുന്നു ;
അവർക്കൊന്ന് മാത്രമറിയാം
അപരാധം
വീണുപെറ്റ മകനാണെന്ന്..
Content Summary: Malayalam Poem ' Aparadham ' Written by Shabeera Vallikkapatta
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.