വിഷം ചീറ്റുക – സീന എഴുതിയ കവിത

കാലമേ നിൻ നയനങ്ങളിൽ

തൂകിയ പകയാണിത് 

നിൻ പരിഹാസം ഞാൻ 

കവർന്നെടുക്കും അകകാമ്പിത
 

ദിനം നീങ്ങവേ ഇനിയും

ഭാരം കൂടവേ പിന്നെയും

തങ്ങാതെ ഒഴിയാതെ

നിനക്കു വലയം ചെയ്തീടും
 

മറന്നെന്നു നീ കരുതിയാലും

പാഴ് വാക്കായി പറഞ്ഞാലും

അപമാനിതയായി ഞാൻ

പിടഞ്ഞാലും ചൊല്ലാതെ
 

അകതാരിൽ കിനാവ് കണ്ടു

ഞാൻ ഓടി ഓടി കിതച്ചീടും

ഇല്ലിനി ഒരു തിരിഞ്ഞിറക്കം

ഉന്നം ഉയിരായി, മിടിപ്പായി
 

അടങ്ങിയിരിക്കുകയില്ല വീണ്ടും

അപശബ്ദമായി ഓർക്കാപ്പുറത്ത്

വന്നുചേരുക. മുന്നോട്ട് മുന്നോട്ട്

അപകീർത്തിയിൽ ശങ്കയില്ല
 

ഉന്നം നീയും നിനക്കായി

ആക്കം കൂട്ടിയ പ്രിയരിലും

ഉള്ളം തുടിച്ചീടാൻ തക്കം

പാർത്തു ഞാൻ കഴുകനായി.
 

Content Summary: Malayalam Poem ' Visham Cheettuka ' Written by Seena