പഞ്ചവർണ്ണക്കിളി – ഡോ. ഗംഗാദേവി എം. എഴുതിയ കവിത
![malayalam-poem-kure-aksharangal malayalam-poem-kure-aksharangal](https://img-mm.manoramaonline.com/content/dam/mm/mo/literature/your-creatives/images/2022/14/malayalam-poem-kure-aksharangal.jpg?w=1120&h=583)
Mail This Article
×
ചിറകുകളുണ്ടായിരുന്നെ-
ങ്കിൽ ഞാനെന്നെത്തന്നെ
പറത്തിപ്പറത്തിയങ്ങ-
പ്പുറമെത്തിച്ചേനെ....
കൊക്കുകളുണ്ടായിരുന്നെ-
ങ്കിൽ ഞാനെന്നെത്തന്നെ
കൊക്കിനാൽ കൊത്തിക്കൊത്തി
ഹൃദയം മുറിച്ചേനെ.
കഴുകൻ കണ്ണുകളുണ്ടായിരുന്നെ-
ങ്കിൽ ഞാനെന്നെത്തന്നെ
ചുഴിഞ്ഞു ചുഴുഞ്ഞെങ്ങ്
നോക്കുവാൻ നോക്കിയേനെ.
കൂർത്ത നഖമുനകളുണ്ടായിരുന്നെ-
ങ്കിൽ ഞാനെന്നെത്തന്നെ
താണു താണിറങ്ങിപ്പൊടുന്നനേ
റാഞ്ചിപ്പറന്നേനെ.
തൂവലുകൾ കൊഴിച്ചിട്ടിവിടെ-
യുണ്ടായിരുന്നെന്ന്,
കൂവിപ്പൊളിച്ചിട്ടിവിടെയിരുന്നെ-
ന്നടയാളമിട്ടേനെ.
പക്ഷങ്ങളില്ലാത്ത
പക്ഷഭേദങ്ങളില്ലാത്ത
പക്ഷിയാണല്ലോ ഞാനും
പഞ്ചവർണ്ണപ്പക്കിയാണല്ലോ ഞാനും!
Content Summary: Malayalam Poem ' Panchavarnakkili ' Written by Dr. Gangadevi M.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.