ആപദീ ദീപം – സതീഷ് കളത്തിൽ എഴുതിയ കവിത

ഉത്രം നാളിലുയിർകൊണ്ട സ്വരൂപം;

കണ്ണനൂരിലുയിരാണ്ട പ്രഭാമയി;

കാനത്തൂർ ഗ്രാമത്തിൻ വെണ്മ; ധീരമാം,

കളത്തിൽ വിഭുവെ വേട്ട പ്രൗഢ;     

കളത്തിൽ ദേവി; പരാശക്തി;

മണത്തലയിൽ വാഴും അഖിലാണ്ഡേശ്വരി!
 

പാമരരാം ഭക്തരെ കാക്കുവാനായി

പാമരമായവൾ നിൽക്കുന്നു; മക്കൾതൻ 

പങ്കിലം പോക്കുവാൻ കനിയുന്നു;

പരംപൊരുളായ് വിളങ്ങീടുന്നു!
 

അവൾതൻ മഞ്ജീരശിഞ്ജിതം  

കേൾക്കാതിരുന്നാലെന്നുടെ 

കളേബരം തളരുന്നു; ആ ശിലയിലെ

പൊൻവെളിച്ചം കാണാതിരുന്നാലെന്നുടെ   

ജന്മത്തിൻ പുണ്യം നഷ്ടമാകുന്നു!
 

എന്നുടെ നൈവേദ്യമവളേറ്റിടെ   

എന്നിലാ നൽദീപം തെളിയുന്നു;

അവളൊരു മണിദീപമായ് വളരുന്നു;

ആപദീ ദീപമായ് വന്നണയുന്നു! 
 

Content Summary: Malayalam Poem Written by Satheesh Kalathil