അമ്മത്തൊട്ടിൽ – ദിൽഷ തസ്‌നി കെ. എഴുതിയ കവിത

തൊട്ടിൽ പിടിച്ചു താരാട്ടു

പാടാൻ പെറ്റുമ്മയില്ലെങ്കിലും

നിനക്കുചുറ്റും പോറ്റുമ്മമാർ

ഏറെയുണ്ടെൻ പൈതലേ...
 

മുഖം മറച്ചുവെച്ച് തൊട്ടിലിൽ 

പൈതലിനെ കിടത്തി

വീട്ടിലേക്ക് തിരിഞ്ഞു നടന്നു

കാലുകളുടെ ശേഷിനഷ്ടപ്പെട്ട

പോലെ മനസ്സിൽ അമ്പു തറച്ചു

കയറിയെങ്കിലും

നല്ലതിനെന്ന്

സ്വയം പറഞ്ഞവൾ
 

മുറ്റത്തെ കുഞ്ഞിപൂച്ച അമ്മയെ

ചാരികിടക്കുന്നു

വീട്ടിലെത്തിയവളെ കുഞ്ഞിപൂച്ച

തറച്ചു നോക്കിടുന്നു
 

കൂട്ടുകാരന്റെ ചതിയിലെനിക്ക്

കിട്ടിയന്റെ പൈതലിനെ

നിന്നെ പോലെ അമ്മയോട്

ചേർത്തുവെക്കാനാഗ്രഹിച്ചു

ഞാനും 
 

ശരീരത്തിൽ കയറിയ

ക്യാൻസറിന്റണുക്കൾ  

എൻ പൈതലിനു

മേൽകാത്തിരിക്കാനാരുമില്ലാത്ത

എനിക്ക് മുന്നിലുള്ളത്

അമ്മതൊട്ടിൽ മാത്രമാണ്

കുഞ്ഞി പൂച്ചേ...
 

Content Summary: Malayalam Poem ' Ammathottil ' Written by Dilsha Thasni K.