ഹൃദയമൊഴി – അഭിലാഷ് പണിക്കശ്ശേരി എഴുതിയ കവിത

എന്റെ ഹൃദയത്തിലെ

ചുവന്ന പുഷ്പത്തിന്റെ

ഇതളുകൾ അടർന്നു പോയ

ആ ദിനം.! കാലമേറെ

കടന്നു പോയെങ്കിലും
 

ഉണങ്ങാത്ത മുറിവിൽ

ഓർമ്മകളുടെ വിരലുകൾ

മെല്ലെ തലോടുമ്പോൾ,

നീയെന്ന സുഖമുള്ള നൊമ്പരം

പിന്നെയുമെന്നിൽ..
 

മറവിയിൽ ആഴ്ന്നു പോകാൻ

തുടങ്ങുമ്പോൾ വീണ്ടും

മന്ദസ്‌മേരത്തിന്റെ നിലാവെട്ടം

കൊണ്ട് എന്നിൽ ഒരു

കവിതയായ് നീ വിരിയും..
 

നിന്റെ കണ്ണിലെ കുസൃതിച്ചിരി-

യുടെ അലകൾ കൊണ്ട് എന്നിലെ 

പൊട്ടിച്ചിതറിയ പ്രണയത്തിന്റെ

മഴവിൽ ചില്ലുകൾ കൂട്ടിച്ചേർത്ത്

ഞാൻ നിർവൃതിയിലലിയും.