കുഴി – അഡ്വ. മുഹമ്മദ് റഫീഖ് എം. എഴുതിയ കവിത
Mail This Article
×
കുഴിയെടുക്കാനായാല്‍
മജീദ്ക്കാനെയാണ് വിളിക്കുക
പ്രത്യേക ജോലിക്കൊന്നും
പോവാന്‍ കഴിയാതെ
കുഴിയെടുക്കാനുള്ള വിളിക്കായി
കാത്തിരിക്കുകയാവും മജീദ്ക്ക
ഒരു ചോദ്യമേ
അദ്ദേഹത്തിനുള്ളൂ
മയ്യിത്തിന്റെ നീളം, വീതി
ആഴത്തിനു എവിടെയും ഒരു നിയമമാണ്
ഓരോ കുഴിയും
വിളിക്കുന്നവരുടെ
വാക്കിനനുസരിച്ചാവും
വിരിയുക
എങ്ങാനും ഒരുദിവസം
കുഴിയെടുപ്പ്
ആറടിയില്‍ നിര്‍ത്താനായില്ലെങ്കില്‍
എന്തൊക്കെയാവും
അദ്ദേഹം കണ്ടെത്തുക
തലയോട്ടികളും എല്ലിന്‍കഷ്ണങ്ങളും
കടന്നുചെന്നാല്‍
നീരുറവ കാണുന്നതിനു മുന്‍പായി
നഗരചത്വരങ്ങളുടെ
ചുടുകട്ടകള്‍ കണ്ടെത്തുകില്‍
അന്നത്തെ മയ്യിത്തിനെ
നാമെന്തു ചെയ്യും
English Summary:
Malayalam Poem ' Kuzhi ' Written by Adv. Muhammad Rafeeq M.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
