യന്ത്രം – ആയിഷ ഫൗസിക് കടുക്കാപ്പിള്ളി എഴുതിയ കവിത

എന്റെ വീട്ടിൽ ഓടികൊണ്ടിരിക്കുന്ന 

ഒരു യന്ത്രം ഉണ്ടായിരുന്നു

സൂര്യൻ ഉണരുന്നതിന് മുന്നേ

ആ യന്ത്രം ഉണർന്നിരുന്നു

ആ യന്ത്രത്തിന്റെ കൈ എത്താത്ത ഇടം 

വീട്ടിൽ ഉണ്ടായിരുന്നില്ല

ആ യന്ത്രം വീട് വെട്ടി തിളക്കിയിരുന്നു
 

ആ യന്ത്രം വീട്ടിലുള്ളവരുടെ

വിശപ്പ് ഊതികെടുത്തിയിരുന്നു

പെട്ടന്ന് ആ യന്ത്രം നിശ്ചലമായി

കലപില കൂട്ടിയിരുന്ന വീട് ആകെ നിശബ്ദമായി

മിന്നിതിളങ്ങിയിരുന്ന വീട് ആകെ മുഷിഞ്ഞു

വീട്ടിലെ അംഗങ്ങൾ എല്ലാം പട്ടിണിയായി

അന്നാണ് എല്ലാവരും തിരിച്ചറിഞ്ഞത്

ആ യന്ത്രം ആരായിരുന്നു എന്ന്