‘നമ്മുടെ എംപുരാനെ’ നോക്കിക്കൊള്ളണേ; പൃഥ്വിക്ക് എംപുരാൻ ടീമിന്റെ പിറന്നാൾ സമ്മാനം

പൃഥ്വിരാജിന് പിറന്നാൾ ആശംസകൾ നേർന്ന് ‘എംപുരാൻ’ ടീം. എംപുരാനിലെ എല്ലാ അണിയറ പ്രവര്‍ത്തകരും ചേർന്നുള്ള ലൊക്കേഷൻ വിഡിയോയാണ് സമൂഹമാധ്യമത്തിലൂടെ റിലീസ് െചയ്തത്. മുരളി ഗോപി, ആന്റണി പെരുമ്പാവൂർ, ദീപക് ദേവ്, സുജിത്ത് വാസുദേവ് എന്നിവരോടൊപ്പം മോഹൻലാലും പൃഥ്വിക്ക് ആശംസകൾ നേരുന്നു. 

ഓഗസ്റ്റ് 15ന് ഡൽഹിയിലാണ് സിനിമയുടെ ചിത്രീകരണം ആരംഭിച്ചത്. ഇപ്പോൾ ലഡാക്കിൽ ചിത്രീകരണം പുരോഗമിക്കുകയാണ്.

സിനിമാ പ്രേമികള്‍ ഒന്നടങ്കം കാത്തിരിക്കുന്ന ചിത്രമാണ് എംപുരാന്‍.  ലൂസിഫറിന്റെ രണ്ടാം ഭാഗമായ ചിത്രം വമ്പന്‍ ബജറ്റിലാണ് ഒരുങ്ങുന്നത്. എംപുരാനിൽ ആശീർവാദ് സിനിമാസിനൊപ്പം ലൈക പ്രൊഡക്‌ഷൻസും കൈകോർക്കുന്നു.

ഉത്തരേന്ത്യയും തമിഴ്നാടും വിദേശരാജ്യങ്ങളുമാകും സിനിമയുടെ പ്രധാന ലൊക്കേഷനുകൾ. കേരളത്തിൽ ചിത്രീകരണമുണ്ടാകുമോ എന്നു വ്യക്തമല്ല. മുരളി ഗോപിയാണു കഥയും തിരക്കഥയും. ആശീർവാദ് സിനിമാസിനുവേണ്ടി ആന്റണി പെരുമ്പാവൂരാണു നിർമിക്കുന്നത്. സുരേഷ് ബാലാജിയും ജോർജ് പയസ് തറയിലും ചേർന്നുള്ള വൈഡ് ആംഗിൾ ക്രിയേഷൻസാകും ലൈൻ പ്രൊഡക്‌ഷൻ. ബജറ്റോ റിലീസ് തീയതിയോ തീരുമാനിക്കാതെയാണ് ചിത്രീകരണം തുടങ്ങിയത്.