‘അഹിംസ’യുമായി എ.ആർ.റഹ്മാൻ, ഒപ്പം യു2

ലോകമെങ്ങുമുള്ള സംഗീതപ്രേമികളുടെ ഹരമായ ഐറിഷ് ബാൻഡ് യു2 , ഇന്ത്യൻ സംഗീതവിസ്മയം എ.ആർ.റഹ്മാനുമായി ചേർന്നൊരുക്കിയ ഗാനം തരംഗമാകുന്നു. യു2 വിന്റെ ഇന്ത്യയിലെ ആദ്യപരിപാടിക്ക് മുന്നോടിയായാണ് ‘അഹിംസ’ എന്ന പേരിൽ ഗാനം പുറത്തിറക്കിയത്. 

ആയുധങ്ങൾക്കോ അധികാരത്തിനോ തകർക്കാനാകാത്തതാണ് അഹിംസയെന്നും ആധുനിക ലോകത്തിന് ഇത് അത്യാവശ്യമാണെന്നും റഹ്മാന്‍ പറഞ്ഞു. ലോകത്തിന് ഇന്ത്യയുടെ ഏറ്റവും മികച്ച സമ്മാനമാണ് അഹിംസയെന്ന് യു2 മുഖ്യഗായകൻ ബോണോ പറഞ്ഞു. 

എ.ആർ.റഹ്മാനെപ്പോലുള്ള സംഗീതജ്ഞന്റെ കൂടെ പ്രവർത്തിക്കാൻ സാധിച്ചതിൽ ഒരുപാട് സന്തോഷം തോന്നുന്നു എന്നും കഴിഞ്ഞ കുറച്ച് ആഴ്ചകളായി അദ്ദേഹത്തിന്റെ സ്വന്തം നാട്ടിലേക്ക് വരുന്നതിന്റെ ആകാക്ഷയിലായിരുന്നു തങ്ങൾ എന്നും യു2 മുഖ്യ ഗിറ്റാറിസ്റിസ്റ്റായ എഡ്ജ് പറഞ്ഞു. എഡ്ജിനും ബോണോയ്ക്കും ഒപ്പമുള്ള ചിത്രം എ.ആർ.റഹ്മാൻ ഫെയ്സ്ബുക്കിൽ പങ്കു വച്ചിരുന്നു.