ചെന്നൈ∙ ഗായകനും നടനുമായ വിജയ് യേശുദാസിന്റെ വീട്ടിൽ നിന്ന് സ്വർണ, വജ്രാഭരണങ്ങൾ മോഷണം പോയ സംഭവത്തിൽ തെളിവു ലഭിക്കാതെ പൊലീസ്. വീട്ടുജോലിക്കാരെ ചോദ്യം ചെയ്തതിൽ ഇവരാരും ആഭരണങ്ങൾ കവർന്നിട്ടില്ലെന്നു ബോധ്യമായി.
അഭിരാമപുരത്തെ വീട്ടിൽ നിന്ന് 60 പവൻ സ്വർണമടക്കമുള്ള ആഭരണങ്ങൾ കാണാതെ പോയതായി വിജയ്‌യുടെ ഭാര്യ ദർശനയാണ് പൊലീസിൽ പരാതി നൽകിയത്. കഴിഞ്ഞ മാസമാണ് ആഭരണങ്ങള്‍ കാണാതായത്. വീട്ടിൽ ജോലിക്കു നിന്നിരുന്ന ആളുകളെ സംശയിക്കുന്നതായും ദർശനയുടെ പരാതിയിൽ പറഞ്ഞിരുന്നു.
അതേ സമയം, വിഷയത്തിൽ വിജയ് യേശുദാസിന്റെയും കുടുംബാംഗങ്ങളുടെയും മൊഴി രേഖപ്പെടുത്താനുണ്ടെന്നും ഇവർ ഇതുവരെ ഹാജരായിട്ടില്ലെന്നും കേസ് അന്വേഷിക്കുന്ന അഭിരാമപുരം പൊലീസ് പറഞ്ഞു.
