പൊലീസിനെയും ആശുപത്രി ജീവനക്കാരെയും കയ്യേറ്റം ചെയ്ത് സൈനികരായ സഹോദരങ്ങൾ

ആലപ്പുഴ∙ മദ്യലഹരിയിൽ സൈനികരായ സഹോദരങ്ങൾ പൊലീസിനെയും ആശുപത്രി ജീവനക്കാരെയും കയ്യേറ്റം ചെയ്തു. അനന്തൻ,ജയൻ എന്നിവരാണു ഹരിപ്പാട് പൊലീസിനെയും ആശുപത്രി ജീവനക്കാരെയും കയ്യേറ്റം ചെയ്തത്. ഇന്നലെ രാത്രി ഇരുവരും സഞ്ചരിച്ച വാഹനം നങ്ങ്യാർകുളങ്ങരയിൽ വച്ച് ഡിവൈ‍ഡറിൽ ഇടിച്ച് അപകടത്തിൽപ്പെട്ടിരുന്നു.

Read Also: ആലപ്പുഴയിലെ ഏഴാം ക്ലാസുകാരന്റെ ആത്മഹത്യ: 2 അധ്യാപകർക്ക് എതിരെ കേസെടുത്തു

നാട്ടുകാരും പൊലീസും ചേർന്നു ഇരുവരെയും ആശുപത്രിയിലേക്കുമാറ്റാൻ ശ്രമിക്കവേ തന്നെ സഹോദരങ്ങൾ പ്രശ്നങ്ങൾ സൃഷ്ടിച്ചിരുന്നു. ബലം പ്രയോഗിച്ചാണു ഇരുവരെയും ആശുപത്രിയിൽ എത്തിച്ചത്. ഇവിടെവച്ചും ബഹളമുണ്ടാക്കിയ പ്രതികൾ  പൊലീസിനെയും ആശുപത്രി ജീവനക്കാരെയും കയ്യേറ്റം ചെയ്യുകയായിരുന്നു.