ട്രാക്കിൽ മണ്ണിടിച്ചിൽ: ഊട്ടിയിലെ ട്രെയിൻ സർവീസിനെ ബാധിച്ചു

ഊട്ടി∙ മണ്ണിടിച്ചിലിനെത്തുടർന്ന് മേട്ടുപ്പാളയം – ഉദഗമണ്ഡലം – മേട്ടുപ്പാളയം റൂട്ടിലെ ട്രെയിനുകൾ റദ്ദാക്കി. നീലഗിരി മൗണ്ടൻ റെയിൽവേയുടെ കീഴിൽ വരുന്ന കല്ലാർ – ഹിൽഗ്രോവ് റെയിൽവേ സ്റ്റേഷനുകൾക്കിടിയിലാണ് മണ്ണിടിച്ചിൽ. ട്രാക്കിലേക്ക് മണ്ണു വീണിട്ടുണ്ട്. 

ഇന്ന് റദ്ദാക്കിയ ട്രെയിനുകൾ

1. രാവിലെ 7.10ന് മേട്ടുപ്പാളയത്തേക്കു പുറപ്പെടേണ്ടിയിരുന്ന 06136 മേട്ടുപ്പാളയം – ഉദഗമണ്ഡലം ട്രെയിൻ. 

2. ഉച്ചയ്ക്ക് 2ന് ഉദഗമണ്ഡലത്തിലേക്കു പുറപ്പെടേണ്ടിയിരുന്ന 06137 ഉദഗമണ്ഡലം – മേട്ടുപ്പാളയം ട്രെയിൻ.