ചുട്ടെടുത്ത വെളുത്തുള്ളിയും തക്കാളിയും മഹാരാഷ്ട്രൻ ചമ്മന്തിയുടെ രുചിരഹസ്യം

തക്കാളിയും വെളുത്തുള്ളിയും ചുവന്നമുളകും ചേർത്ത് ചുട്ടെടുത്ത മഹാരാഷ്ട്രൻ സ്റ്റൈലിലുള്ള ഒരു അടിപൊളി എരിവുള്ള ചമ്മന്തിയാണിത്. വളരെ രുചികരമായിട്ട് ചപ്പാത്തി, ചോറ്, കപ്പ എന്നിവയ്ക്കൊപ്പം കഴിക്കാൻ പറ്റുന്ന ഒരു ഈസിയായിട്ടുള്ള റെസിപ്പി. തന്തൂരിയിലോ അവ്നിലൊ വീട്ടിലെ ഗ്യാസടുപ്പിലോ തക്കാളിയും വെളുത്തുള്ളിയും ചുട്ടെടുക്കാം.

ചുട്ടെടുത്ത വെളുത്തുള്ളിയുടെ തൊലി കളഞ്ഞതിലേക്ക് ചുട്ടെടുത്ത ചുവന്നമുളകും മല്ലിയിലയും ഒരല്പം പച്ചമുളകും ചേർത്ത് മിക്സിയിൽ ചതച്ചെടുക്കാം. അതിലേക്ക് തൊലി കളഞ്ഞ തക്കാളിയും ചേർത്ത് ആവശ്യത്തിന് ഉപ്പും കടുകെണ്ണയും ചേർത്ത് നന്നായി കുഴച്ചെടുത്താൽ അടിപൊളി ചമ്മന്തിയുണ്ടാക്കാം.