മസാലക്കൂട്ടുകളില്ലാതെ ഓണം സ്പെഷൽ ഓലൻ : ലേഖാ ശ്രീകുമാർ

അധിക മസാലക്കൂട്ടുകളില്ലാതെ ഏറ്റവും ലളിതമായ ശൈലിയിലാണ് ഓലൻ പാചകം ചെയ്യുന്നത്. കൽച്ചട്ടിയുപയോഗിച്ച് നാളികേരപ്പാല് ചേർത്തുണ്ടാക്കുന്ന ഓലനാണ് പണ്ടുപയോഗിച്ചിരുന്നത്.

ചേരുവകൾ

• വൻപയർ
• പച്ചമുളക്
• കുമ്പളങ്ങ
• ഉപ്പ്
• തേങ്ങാപ്പാൽ (ഒന്നാം പാലും രണ്ടാം പാലും)
• കറിവേപ്പില
• വെളിച്ചെണ്ണ

തയാറാക്കുന്ന വിധം

• വൻപയർ ആവശ്യത്തിന് വെള്ളം ചേർത്ത് പ്രഷർ കുക്കറിൽ വേവിച്ച് എടുക്കണം.
• കുമ്പളങ്ങ കഷണങ്ങളാക്കിയതും പച്ചമുളകും തേങ്ങായുടെ രണ്ടാം പാൽ ചേർത്ത് ചട്ടിയിൽ വേവിച്ച് എടുക്കണം. ആവശ്യത്തിന് ഉപ്പും ചേർക്കണം. ഇത് വെന്തശേഷം ഇതിലേക്ക് വേവിച്ച പയർ ചേർക്കാം. നന്നായി യോജിപ്പിച്ച ശേഷം ഒന്നാം പാൽ ചേർത്ത് ചൂടാക്കാം. വെളിച്ചെണ്ണയും കറിവേപ്പിലയും ചേർത്ത് വാങ്ങാം.