ഓട്സ് സ്മൂത്തി, വണ്ണം കുറയ്ക്കാൻ സഹായിക്കുന്ന പ്രഭാതഭക്ഷണം ; ലക്ഷ്മി നായർ
Mail This Article
ആരോഗ്യത്തിനും സൗന്ദര്യത്തിനും രണ്ട് സൂപ്പർ സ്മൂത്തീസ് രുചിയുമായി ലക്ഷ്മി നായർ.
1 ആവശ്യമായ ചേരുവകൾ
- ഓട്ട്സ് - 1/2 കപ്പ്
- വെള്ളം - 11/2 കപ്പ്
- തൈര് - 1 കപ്പ്
- സ്ട്രോബെറി - 6 - 7 എണ്ണം
- തേൻ - 2 ടേബിൾസ്പൂൺ
തയാറാക്കുന്ന വിധം
പാന് അടുപ്പിൽ വച്ച് 11/2 കപ്പ് വെള്ളത്തിൽ 1/2 കപ്പ് ഓട്ട്സ് വേവിച്ചെടുക്കുക. തിളച്ച് വന്നു കഴിഞ്ഞാൽ മറ്റൊരു ബൗളിലേക്ക് തണുക്കാനായി മാറ്റി വയ്ക്കാം. തണുത്തശേഷം അതിൽ നിന്നും 1/2 കപ്പ് ഓട്സ് മാറ്റി സ്മൂത്തീസ് ബ്ലെണ്ടറിലേക്ക് ഇട്ടുകൊടുക്കുക. അതിനുശേഷം 1/2 കപ്പ് തൈര്, സ്ട്രോബെറി ചെറു കഷ്ണങ്ങളാക്കി അരിഞ്ഞത് , തേൻ എന്നിവ ചേര്ത്ത് രണ്ട് മിനിറ്റ് നേരം അടിച്ചെടുത്ത് ഗ്ലാസ്സിലേക്ക് മാറ്റാം.
2. ആവശ്യമായ ചേരുവകൾ
- ഓട്ട്സ് - 1/2 കപ്പ്
- തൈര് - 1 കപ്പ്
- നിലക്കടല - 1/4 കപ്പ്
- ബദാം - 5 - 6 എണ്ണം
- വാള്നട്ട് - 5 - 6 എണ്ണം
- തേൻ - 2 ടേബിൾസ്പൂൺ
- വാഴപ്പഴം - 1 എണ്ണം
തയാറാക്കുന്ന വിധം
വേവിച്ചെടുത്ത 1/2 കപ്പ് ഓട്ട്സ്, 1/2 കപ്പ് തൈര്, നിലക്കടല 1/4 കപ്പ്, നേരത്തേ വെള്ളത്തിൽ കുതിർത്തെടുത്ത ബദാം ആവശ്യാനുസരണം , വാള്നട്ട്സ് , ഒരു പഴം ചെറു കഷ്ണങ്ങളാക്കി അരിഞ്ഞത്, 2 ടേബിൾസ്പൂൺ തേൻ എന്നിവ ചേർത്ത് നന്നായി ബ്ലെണ്ടറില് രണ്ട് മിനിറ്റ് നേരം അടിച്ചെടുത്തശേഷം ഗ്ലാസ്സിലേക്ക് മാറ്റാം .
English Summary : Without Sugar and Milk, Oats Breakfast Smoothies.