പാട്ടും പാടി രുചിക്കാം പഞ്ചാബി പുട്ട് : വിഡിയോ കാണാം

പല തരത്തിലുള്ള പച്ചക്കറികൾ നിറഞ്ഞൊരു സൂപ്പർ വിഭവമാണ് പഞ്ചാബി പുട്ട്, തയാറാക്കുന്നത് എങ്ങനെയെന്നു നോക്കാം.

ചേരുവകൾ 

• കാരറ്റ്  - 200 ഗ്രാം 
• മഷ്‌റൂം - 200 ഗ്രാം 
• പനീർ - 200 ഗ്രാം 
• വെളുത്തുള്ളി - 30 ഗ്രാം 
• സവാള - 100 ഗ്രാം 
• പച്ചമുളക് - 30 ഗ്രാം 
• മല്ലിയില - 30 ഗ്രാം 
• തേങ്ങ ചിരകിയത് - 30 ഗ്രാം 

• പുട്ടു പൊടി - 400 ഗ്രാം 
• ഉപ്പ് - ആവശ്യത്തിന് 
• ജീരകപ്പൊടി - 5 ഗ്രാം 
• കുരുമുളക് പൊടി - 5 ഗ്രാം 
• നെയ്യ് - 30 മില്ലി 

തയാറാക്കുന്ന വിധം 

• കാരറ്റ്, മഷ്‌റൂം, പനീർ, വെളുത്തുള്ളി, പച്ചമുളക്, സവാള  എന്നിവ ചെറുതായി അരിഞ്ഞെടുക്കുക.
  
• പുട്ടു പൊടി ഒരേ അനുപാതത്തിൽ ആവശ്യത്തിന് ഉപ്പും വെള്ളവും ചേർത്ത് കട്ട ഇല്ലാതെ തയാറാക്കി വയ്ക്കുക. 
  
• പാനിൽ നെയ്യ് ഒഴിച്ച് വെളുത്തുള്ളിയും പച്ചമുളകും വഴറ്റുക. അതിലേക്ക് കാരറ്റ്,  പനീർ, മഷ്‌റൂം എന്നിവ ചേർത്ത് നന്നായി വഴറ്റുക. ആവശ്യത്തിന് ഉപ്പ്, ജീരകപ്പൊടി, കുരുമുളക് പൊടി, മല്ലിയില എന്നിവ ചേർത്ത് സ്റ്റഫിങ്ങ് തയാറാക്കി വയ്ക്കുക. 
  
• പുട്ടുണ്ടാക്കുന്ന മോൾഡിൽ തേങ്ങ ഇടുക. പുട്ടു പൊടി സ്റ്റഫിങ്ങ് പൊടി തേങ്ങ ചേർത്ത് അടച്ച് ആവിയിൽ പാകപ്പെടുത്തി എടുക്കുക.
  

English Summary : Healthy and filling breakfast dish.