ഇതാണ് മധുരവും ഉപ്പും പുളിയും എല്ലാം ചേർന്ന തിരുപ്പതി ചമ്മന്തി

വ്യത്യസ്ത രുചിയിൽ തയാറാക്കാവുന്ന തിരുപ്പതി ചമ്മന്തി, ആന്ധ്രപ്രദേശിലെ സവിശേഷ രുചിക്കൂട്ടാണ്.

ചേരുവകൾ

• തേങ്ങ ചിരകിയത് 
• മല്ലി
• കടലപ്പരിപ്പ്
• ഉപ്പ്
• ശർക്കര
• പുളി
• വറ്റൽ മുളക് 
• പിരിയൻ മുളക്  
• ജീരകം 

തയാറാക്കുന്ന വിധം 

• ഫ്രൈയിങ് പാൻ ചൂടായ ശേഷം അതിലേക്ക് തേങ്ങ ചിരകിയതും കുറച്ച് മല്ലിയും കുറച്ച് കടലപ്പരിപ്പും രണ്ട് വറ്റൽ മുളകും ഒരു പിരിയൻ മുളകും കുറച്ച് ജീരകവും ഇട്ട് എണ്ണയില്ലാതെ മൂപ്പിച്ചെടുക്കുക. 
• ഇവയെല്ലാം ചെറുതായി മൂത്തു വരുമ്പോൾ തീ ഓഫ് ചെയ്യുക. അതിനുശേഷം ചെറിയൊരു കഷണം വാളൻ പുളി കൂടി ചേർത്തിളക്കുക. ഇനി ഇതിലേക്ക് കുറച്ചു ശർക്കര പൊടിച്ചതും ആവശ്യത്തിനു ഉപ്പും കൂടി ചേർക്കുക. 
• ഇതെല്ലാം കൂടി ഒരു മിക്സിയുടെ ജാറിൽ അരച്ചെടുക്കുക. എണ്ണ ഒട്ടും ചേർക്കാത്തതിനാൽ കുറച്ചു കൂടുതൽ എണ്ണ ഒഴിച്ചു കടുക് താളിക്കാം. 
• വെളിച്ചെണ്ണ ഉപയോഗിക്കരുത്. വെജിറ്റബിൾ ഓയിലാണ് ഇവിടെ ഉപയോഗിച്ചിരിക്കുന്നത്. നല്ലെണ്ണ ഇഷ്ടമുള്ളവർക്ക് അതുപയോഗിക്കാം. 
• ഒരു ഫ്രൈയിങ് പാനിൽ എണ്ണ ഒഴിച്ചു ചൂടായശേഷം അതിലേക്ക് കടുകിട്ട് പൊട്ടിക്കഴിയുമ്പോൾ  ഒന്നോ രണ്ടോ വറ്റൽ മുളകും കുറച്ചു കറിവേപ്പിലയും ഇട്ട് മൂപ്പിച്ച് തയാറാക്കി വച്ചിരിക്കുന്ന ചമ്മന്തിയിലേക്ക് ഒഴിക്കുക. 

English Summary : Tirupatichutney, Lekha MG Sreekumar Cooking Video.