sections
MORE

അടുക്കളയിൽ പ്രയോഗിക്കാൻ ചില ചില്ലറ പൊടിക്കൈകൾ ഇതാ

cooking-tips
SHARE

അടുക്കളയിലെ ജോലി എളുപ്പമാക്കാൻ ചെറിയ ചില കാര്യങ്ങൾ മനസ്സിൽ സൂക്ഷിക്കാം.

∙ ദോശയുണ്ടാക്കുമ്പോൾ ഉഴുന്നിനൊപ്പം ഒന്നോ രണ്ടോ സ്പൂൺ ഉലുവ ചേർത്താൽ സ്വാദേറും. ദോശയ്ക്ക് അരിയും ഉഴുന്നും അരയ്ക്കുന്നതിനൊപ്പം ഒരു കപ്പ് ചോറു കൂടി അരച്ചുചേർത്താൽ നല്ല മയം കിട്ടും

∙ ഇടിയപ്പത്തിനുള്ള മാവിൽ രണ്ടുസ്പൂൺ നല്ലെണ്ണ കൂടി ചേർത്താൽ മാർദ്ദവമേറും.

∙ചൂടായ എണ്ണയിൽ മഞ്ഞൾപ്പൊടി, മുളകുപൊടി, മല്ലിപ്പൊടി തുടങ്ങിയവ ചേർക്കുമ്പോൾ അൽപം വെള്ളത്തിൽ കുതിർത്ത് കുഴമ്പുപരുവത്തിൽ ചേർത്താൽ കരിഞ്ഞുപോകാതെ നല്ല മണത്തോടെ ലഭിക്കും.

∙ ഉപ്പുമാവ് ഉണ്ടാക്കുമ്പോൾ റവ അൽപ്പം എണ്ണ ഒഴിച്ച് ഇളക്കി യോജിപ്പിച്ച ശേഷം ഉണ്ടാക്കിയാൽ കട്ട കെട്ടുകയില്ല

∙അച്ചാറിന്റെ അവസാനം വരുന്ന അരപ്പ് അൽപം ചൂട് വെള്ളത്തിൽ കലക്കിയെടുക്കുക. ചിരവിയ തേങ്ങ ഈ വെള്ളം ഒഴിച്ച് അരച്ചെടുത്താൽ രുചികരമായ ചമ്മന്തി തയാർ.

∙രാവിലെ തയാറാക്കിയ ഉപ്പുമാവിൽ ഒരു സ്പൂൺ അരിമാവ് കൂടി ചേർത്ത് എണ്ണയിൽ പൊരിച്ചെടുത്താൽ സ്വാദേറും റവവട റെഡി.

∙ മുട്ടകൾ പുഴുങ്ങുമ്പോൾ അൽപം ഉപ്പുചേർത്ത് പുഴുങ്ങിയാൽ മുട്ടത്തൊലി വൃത്തിയായി അടർത്തിയെടുക്കാം.

∙ അല്ലികളാക്കിയ വെളുത്തുള്ള കത്തി ഉപയോഗിച്ച് നടുകെ കീറിയാൽ എളുപ്പത്തിൽ തൊലി കളഞ്ഞെടുക്കാം.

∙ വെളിച്ചെണ്ണ അധികമുണ്ടെങ്കിൽ കേടാകാതിരിക്കാൻ അൽപം ഉപ്പുകല്ലിട്ട് വച്ചാൽ മതിയാകും (വെളിച്ചെണ്ണ ‘കനച്ചു’ പോകില്ല).

∙ മീൻ, ചെമ്മീൻ, കൊഞ്ച് എന്നിവ ഉണ്ടാക്കുമ്പോൾ വിനാഗിരിയിലോ നാരങ്ങാനീരിലോ അൽപം വെളുത്തുള്ളി അരിഞ്ഞതും ചേർത്ത് കുറച്ചുസമയം വെച്ചതിനുശേഷം പാചകം ചെയ്താൽ അലർജി ഒരു പരിധിവരെ ഒഴിവാക്കാം.

∙ നാരങ്ങാനീരു ചേർത്ത വെള്ളത്തിൽ അരമണിക്കൂർ ഇട്ടുവച്ച ശേഷം മീൻ വറുത്താൽ മീൻ വറക്കുന്ന മണം പുറത്തു വരില്ല.

∙ ഉരുളക്കിഴങ്ങ് അരിഞ്ഞ് അല്പ നേരം വെള്ളത്തിലിടുക. ശേഷം വറുത്താൽ നല്ല സ്വാദ് കിട്ടും.

∙ ഓംലറ്റിന് നല്ല മൃദുത്വം കിട്ടാൻ മുട്ട പതപ്പിച്ചതിന് ശേഷം അൽപം പാലോ വെള്ളമോ ചേർക്കുക.

English Summary: Cooking Tips

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN FEATURES
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
FROM ONMANORAMA