sections
MORE

ലോക്ഡൗൺ ദിനങ്ങൾ അടുക്കളയിൽ കൂടുതൽ ജാഗ്രതയോടെ...

sakudumbam-cooking-tips
SHARE

വീടുകളിൽ ഭക്ഷണകാര്യത്തിൽ കൂടുതൽ ജാഗ്രതയും നിയന്ത്രണവും ലോക്ഡൗൺ ദിവസങ്ങളിൽ പാലിക്കാം. മൂന്ന് ആഴ്ച വീട്ടിൽ തന്നെ ഇരിക്കുക എന്നത് നിസാര കാര്യമല്ല. ആരോഗ്യകരമായ പാചകത്തിലൂടെ പോഷകങ്ങൾ നിറഞ്ഞ ഭക്ഷണം ഉറപ്പാക്കാം. ഭക്ഷണകാര്യത്തിൽ ഇക്കാര്യങ്ങൾ ശ്രദ്ധിക്കാം.

∙ ഭക്ഷണം ഉണ്ടാക്കുന്ന അളവ് നിർബന്ധമായും കുടുംബാഗംങ്ങളുടെ എണ്ണത്തിനും ആവശ്യത്തിനും മാത്രമായി ചുരുക്കുക.

∙ അല്പം കുറഞ്ഞു പോയാലും തീരെ അധികമാകാതെ സൂക്ഷിക്കുക.

∙ എണ്ണയിൽ തയാറാക്കുന്നത് ഒഴിവാക്കി ആവിയിൽ പാകം ചെയ്തെടുക്കുന്നതു ശീലമാക്കാം.

∙ സാധനങ്ങൾ സ്റ്റോക്കുണ്ടെന്ന് കരുതി ഇടക്കിടെ ഉപയോഗിക്കാതെ ഇരിക്കുക.

∙ ഭക്ഷണം പാഴാക്കുന്നത് ഒഴിവാക്കാം.

∙ ഒരാൾക്ക് ഒരു ദിവസത്തേക്ക് ഒരു ടീസ്പൂൺ എണ്ണ (5 എംഎൽ) മതിയാകും. പക്ഷേ, അതിന്റെ എത്രയോ ഇരട്ടിയാണു നാം ഓരോരുത്തരും അകത്താക്കുന്നത്. ആരോഗ്യ കാര്യങ്ങൾ കുറച്ചു കൂടി ശ്രദ്ധിക്കാം.

∙ പറമ്പിലുള്ള ചക്ക,മാങ്ങ,വാഴക്കുല,ചേമ്പ്, ചേന, മുരിങ്ങക്കായ, മുരിങ്ങ ഇല, മറ്റ് പച്ചക്കറികൾ എല്ലാറ്റിലും തന്നെ ആദ്യ ദിവസങ്ങളിൽ കൈ വയ്ക്കാതിരിക്കുക, പരമാവധി ഉപയോഗപ്പെടുത്തുക.

∙ ഒന്നോ രണ്ടോ ദിവസത്തെ ഹർത്താലുകളൊക്കെ അനുഭവിച്ചവരാണ് നമ്മൾ. അതൊക്കെ ആഘോഷിച്ച് തിമിർത്തവരാണ് നമ്മൾ. ഇത് അത്തരത്തിൽ തിന്ന് മദിക്കാനുള്ള അവസരമല്ല.  എല്ലാ കാര്യത്തിലും ജാഗ്രതപ്പെടുക.

∙ പെട്ടെന്ന് ചീത്തയാവാത്ത ഭക്ഷണസാധനങ്ങൾ ആദ്യം തന്നെ ഉപയോഗിക്കാതിരിക്കുക. മുട്ട, പാക്കറ്റ് ബിസ്കറ്റുകൾ അങ്ങനെയുള്ള സാധനങ്ങളൊക്കെ അവസാന നിമിഷത്തേക്ക് മാറ്റി വയ്ക്കുക.

∙ ധാരാളം കറികൾ വയ്ക്കേണ്ട ആവശ്യമുണ്ടോ ഒരു തരം മാത്രമാക്കുക.

∙ ഇനിയെങ്കിലും വീട്ടിൽ ഒരു അടുക്കളത്തോട്ടം തയാറാക്കുന്നതിനെക്കുറിച്ച് ചിന്തിക്കുക, തിരിച്ചറിയുക.

∙ പ്രതിദിനം 10 മുതൽ 12 വരെ ഗ്ലാസ് വെള്ളം കുടിക്കണം. രാവിലെയോ വൈകിട്ടോ അര മണിക്കൂർ വ്യായാമം.

English Summary: Healthy Cooking 

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN FEATURES
SHOW MORE
FROM ONMANORAMA