മധുരം വിളമ്പാതെ വിശേഷ ദിവസങ്ങളിലെ കൂട്ടായ്മകൾ പൂർണമാകുമോ? ഇത്തവണ ഒാണത്തിന് ഡാർക്ക് ഫാന്റസി കുക്കി കൊണ്ട് ഡെസേർട്ട് ഒരുക്കിയാലോ? കുടുംബാംഗങ്ങളെയും സുഹൃത്തുക്കളെയും കയ്യിലെടുത്ത നിങ്ങളുടെ സ്പെഷൽ മധുരവിഭവം പങ്കുവയ്ക്കുവാൻ മനോരമ ഓൺലൈൻ ഡാർക്ക് ഫാന്റസിയുമായി ചേർന്നു നടത്തിയ ഡെസേർട്ട് ചാലഞ്ച്’ മത്സരത്തിന് വായനക്കാരിൽ നിന്നും ആവേശകരമായ പ്രതികരണം.
പാചകമത്സരത്തിലേക്ക് അയച്ച കുറിപ്പുകളിൽ നിന്നും തിരഞ്ഞെടുത്തപ്പെട്ട 20 വിഭവങ്ങൾ ഓൺലൈൻ വോട്ടിങ്ങിനു ശേഷമാണ് ലൈവ് മത്സരത്തിലേക്കു വരുന്നത്.
മത്സരാർഥികൾ സമർപ്പിച്ചിരുന്ന പാചകക്കുറിപ്പ് പ്രകാരമുള്ള വിഭവം രണ്ട് മണിക്കൂറിനുള്ളിൽ തയ്യാറാക്കേണ്ടതാണ്. ഇതിനു ശേഷം ലൈവ് ആയി തന്നെ വിധി നിർണയം ഉണ്ടായിരിക്കും. സമാപന ചടങ്ങിൽ വിജയികളെ ഔപചാരികമായി പ്രഖ്യാപിച്ച ശേഷം സമ്മാന വിതരണം നടക്കുന്നതായിരിക്കും.
Content Summary : Manorama Online Dark Fantasy Onam Desserts Challenge Contest, Grand finale Today
