ഡയറ്റ് സ്പെഷൽ ബ്രേക്ക് ഫാസ്റ്റ്, വണ്ണം കുറയും വയറും നിറയും!

ഭക്ഷണ നിയന്ത്രണത്തിലൂടെ വണ്ണം കുറയ്ക്കാൻ ആഗ്രഹിക്കുന്നവർക്ക് പ്രഭാതഭക്ഷണത്തിന് കഴിക്കാവുന്നൊരു ചീര മുട്ട തോരൻ എങ്ങനെ തയാറാക്കാമെന്നു നോക്കാം.

ചേരുവകൾ 

• ചീര - 2 കപ്പ് 
  
• മുട്ട - 2 എണ്ണം 
• വെണ്ണ - 2 ടേബിൾ സ്പൂൺ 
• ഉപ്പ് - ആവശ്യത്തിന് 
• ഒറിഗാനോ - 1/ 4 ടീസ്പൂൺ 
• കുരുമുളകു പൊടി - 1/ 4 ടീസ്പൂൺ 
• വറ്റൽ മുളക് ചതച്ചത് - 1/ 4 ടീസ്പൂൺ

തയാറാക്കുന്ന വിധം

∙ ചീര ചെറുതായി മുറിക്കുക. മുട്ട പൊട്ടിച്ച് അതിലേക്ക് 1/4 ടീസ്പൂൺ കുരുമുളക് പൊടി ,1/4 ടീസ്പൂൺ ഉപ്പ് ഇവ ചേർത്ത് നന്നായി നന്നായി മിക്സ് ചെയ്തു വെക്കുക .

∙ അതിനുശേഷം ഒരു പാൻ ചൂടാക്കി അതിലേക്കു 2 ടേബിൾ സ്പൂൺ വെണ്ണ ഇടുക.വെണ്ണ ഉരുകിയതിനു ശേഷം അതിലേക് ചീര ചേർക്കുക. മീഡിയം തീയിൽ ചീര കുക്ക് ചെയ്യുക. 

∙ ഇതിലേക്കു മസാലകൾ ചേർത്ത് ഇളക്കുക .മസാല ചീരയിൽ പിടിച്ചതിനു ശേഷം അടിച്ചു വച്ച മുട്ട ഒഴിക്കാം എന്നിട്ട് മുട്ട ചിക്കി കൊടുക്കുക.എല്ലാം കുക്ക് ആയതിനു ശേഷം തീ ഓഫ് ചെയ്യുക. ചൂടോടെ വിളമ്പുക.