ഒത്തിരി ചോറുണ്ണാൻ ഇത്തിരി കൊണ്ടാട്ടമുളക്‌ ചമ്മന്തി

ഈ ചമ്മന്തി  ഇത്തിരി മതി ഒത്തിരി ചോറുണ്ണാൻ. നല്ല ചൊടിയുള്ള കൊണ്ടാട്ട മുളകു കൊണ്ട് ചമ്മന്തി തയാറാക്കുന്നതെങ്ങനെയെന്നു നോക്കാം.

ചേരുവകൾ

• കൊണ്ടാട്ട മുളക് - 7
• ചെറിയ ഉള്ളി - 15
• തേങ്ങ - 3/4 കപ്പ്
• കറിവേപ്പില – ഒരു തണ്ട്
• വാളൻപുളി - 1/2 ചെറുനാരങ്ങാ വലിപ്പത്തിൽ 

തയാറാക്കുന്ന വിധം

• പാനിൽ എണ്ണ ചൂടാക്കി കൊണ്ടാട്ട മുളക് വറുത്തെടുക്കുക.
• ഈ എണ്ണയിൽ  ചെറിയ ഉള്ളി വഴറ്റി കറിവേപ്പില ചേർത്ത് എടുക്കണം. തണുത്ത ശേഷം  തേങ്ങയും പുളിയും വറുത്തെടുത്ത കൊണ്ടാട്ടവും ചേർത്ത് നല്ലതുപോലെ മിക്സിയിൽ അരച്ചെടുക്കണം.

Note : വറുക്കാൻ ഉപയോഗിച്ച എണ്ണ ചേർത്ത് ചമ്മന്തി അരച്ചെടുക്കാം.

       : വെള്ളം ചേർക്കരുത്.