ഉന്മേഷമേകുന്ന കൂൾ കുക്കുംബർ  ലെമണൈഡ്

ക്ഷീണമകറ്റാനും ഉന്മേഷം ലഭിക്കാനും വ്യത്യസ്തമായൊരു ലെമണൈഡ്. കുക്കുംബർ, നാരങ്ങ, പുതിന എന്നീ ചേരുവകൾ കൊണ്ട് തയാറാക്കുന്ന പാനിയമാണിത്. 2 ഗ്ലാസ്  ലെമണൈഡ് തയാറാക്കാൻ വേണ്ടത് എന്തൊക്കെയെന്നു നോക്കാം.

ചേരുവകൾ

• സാലഡ് വെള്ളരി – 2
  
• നാരങ്ങ – 2
• പുതിനയില – 12  എണ്ണം
• പൈനാപ്പിൾ എസൻസ് 
• പഞ്ചസാര – 3 ടേബിൾ സ്പൂൺ

തയാറാക്കുന്ന വിധം 

മിക്സിയുടെ ജാറിൽ തൊലികളഞ്ഞു വൃത്തിയാക്കിയ വെള്ളരി, പഞ്ചസാര, പുതിനയില, 3 തുള്ളി പൈനാപ്പിൾ എസൻസ് എന്നീ ചേരുവകൾ കുരുകളഞ്ഞ നാരങ്ങാനീരും ഐസ് ക്യൂബ്‌സും ചേർത്ത് നന്നായി അടിച്ചെടുക്കുക. ഇതു അരിച്ചെടുത്തു ഉപയോഗിക്കാം. വെള്ളം ചേർക്കാതെ അരച്ചെടുക്കുന്നതാണ് രുചികരം. പൈനാപ്പിൾ എസൻസ് ചേർക്കുന്നത് വെള്ളരിയുടെ പച്ചമണം മാറ്റുന്നതിനു വേണ്ടിയാണ്.