വളരെ എളുപ്പത്തിൽ പ്രഷർ കുക്കറിൽ പിങ്ക് പാലട

പാലട ഇല്ലാതെ സദ്യകൾ ഇല്ല. സദ്യകളിൽ കിട്ടുന്ന പോലൊരു പിങ്ക് പാലട വീട്ടിൽ തയാറാക്കുന്നതെങ്ങനെയെന്നു നോക്കാം. വളരെ എളുപ്പത്തിൽ ചുരുങ്ങിയ സമയത്തിനുള്ളിൽ ഉണ്ടാക്കാവുന്നതാണ്.

• അട - 150 ഗ്രാം
  
• പാൽ - 2 ലിറ്റർ
• പഞ്ചസാര - 300 ഗ്രാം
• കണ്ടെൻസ്ഡ് മിൽക്ക് - 3-4 ടേബിൾ സ്പൂൺ ( വേണമെങ്കിൽ മാത്രം )

• അട കഴുകുക.
  
• വെള്ളം നന്നായി തിളപ്പിക്കുക, അതിലേക്ക് കഴുകി വെച്ച അട ചേർക്കുക. ഒന്ന് തിളക്കുമ്പോൾ ഗ്യാസ് ഓഫ്‌ ചെയ്ത് പാത്രം അടച്ച് വയ്ക്കുക.
• 10-15 മിനിറ്റിനു ശേഷം അട പച്ചവെള്ളത്തിൽ 3-4 പ്രാവശ്യം കഴുകി വെള്ളം വാർത്തു വയ്ക്കുക.

തയാറാക്കുന്ന വിധം

• 2 ലിറ്റർ പാലിൽ അട, പഞ്ചസാര ചേർത്ത് ഒന്ന് ഇളക്കി പ്രഷർ കുക്കറിൽ ഒരു വിസിൽ വരുത്തുക.
• ശേഷം 25-30 മിനിറ്റിൽ ചെറുതീയിൽ വേവിക്കുക.
• 30 മിനിട്ടിനു ശേഷം ഗ്യാസ് ഓഫ്‌ ചെയ്യുക.
• കുക്കർ തണുത്ത ശേഷം മാത്രം തുറക്കുക.
• പാലിന്റെ കളർ മാറിയിട്ടുണ്ടാകും.
• കുറച്ച് നേരം കൂടി പായസം തിളപ്പിച്ച്‌ കുറുക്കുക. കണ്ടെൻസ്ഡ് മിൽക്ക് വേണെമെങ്കിൽ ഈ സമയത്ത് ചേർക്കാവുന്നതാണ്.

Note

• ചെറുതീയിൽ കുക്കറിൽ കഴിയുന്നത്ര സമയം പാൽ തിളപ്പിക്കുക.
  
• പാലിന്റെ കളർ മാറാൻ ഇത് സഹായിക്കും