വെജിറ്റേറിയൻ മീൻകറി അഥവാ കുടംപുളിയിട്ട കോളിഫ്ലവർ കറി
Mail This Article
ചപ്പാത്തിക്കും ചോറിനും കഴിക്കാൻ പറ്റിയ മീൻകറിയെവെല്ലുന്ന കുടംപുളി ഇട്ട് തേങ്ങാ അരച്ച കോളിഫ്ലവർ കറി. വെജിറ്റേറിയൻ മീൻ കറി, എന്ന് വിശേഷിപ്പിക്കാവുന്ന കോളിഫ്ലവർ കറി തയാറാക്കുന്നതെങ്ങനെയെന്നു നോക്കാം
ചേരുവകൾ
- കോളിഫ്ലവർ - 600 ഗ്രാം
- സവാള - 1 എണ്ണം
- ഇഞ്ചി ചതച്ചത് - 1/2 ടീസ്പൂൺ
- വെളുത്തുള്ളി ചതച്ചത് - 1/4 ടീസ്പൂൺ
- പച്ചമുളക് - 2 എണ്ണം
- തക്കാളി - 1 എണ്ണം
- തേങ്ങ ചിരകിയത് - 3 ടേബിൾസ്പൂൺ
- പൊട്ടു കടല - 1 ടേബിൾസ്പൂൺ
- കപ്പലണ്ടി - 1 ടേബിൾസ്പൂൺ
- വെളിച്ചെണ്ണ - 3 ടേബിൾസ്പൂൺ
- ജീരകം - ഒരു നുള്ള്
- കുഞ്ഞുള്ളി - 3 എണ്ണം
- വറ്റൽ മുളക് - 2 എണ്ണം
- വെള്ളം – ആവശ്യത്തിന്
- കുടംപുളി – ആവശ്യത്തിന്
- കറിവേപ്പില – ആവശ്യത്തിന്
- കടുക് – ആവശ്യത്തിന്
മസാലപ്പൊടികൾ
- മുളകുപൊടി - 1 ടേബിൾസ്പൂൺ
- മല്ലിപ്പൊടി - 3/4 ടേബിൾസ്പൂൺ.
- മഞ്ഞൾപ്പൊടി - 1/4 ടേബിൾസ്പൂൺ
- ഗരം മസാലപ്പൊടി - 1/2 ടീസ്പൂൺ
തയാറാക്കുന്ന വിധം
▪️ ഒരു പാനിൽ കപ്പലണ്ടിയും പൊട്ടുകടലയും മൂപ്പിച്ച ശേഷം തേങ്ങയും ചേർത്ത് നല്ലതുപോലെ അരച്ചെടുക്കുക.
▪️ ചൂടായ വെളിച്ചെണ്ണയിൽലേക്ക് സവാള, ഇഞ്ചി, പച്ചമുളക്, വെളുത്തുള്ളി എന്നിവ ചേർത്ത് വഴന്നുവരുമ്പോൾ അതിലേക്ക് തക്കാളി ചേർത്ത് നല്ലപോലെ വഴറ്റി, മസാലപ്പൊടി ചേർത്ത് മൂപ്പിച്ച്, അരച്ച് തേങ്ങയുടെ കൂട്ടും, ആവശ്യത്തിന് വെള്ളം, കുടംപുളി ,ഉപ്പ് എന്നിവകൂടി ചേർത്ത് അടച്ചുവച്ച് തിളപ്പിക്കുക .
▪️ തിളച്ചു വരുന്ന കറിയിലേക്ക് കോളിഫ്ലവർ ചേർത്ത് ഇളക്കി തീ കുറച്ച് പാകപ്പെടുത്തി എടുക്കുക.
▪️ പാകമായ കറിയിലേക്ക് കടുക് താളിക്കാനായി ,ഒരു പാനിൽ വെളിച്ചെണ്ണ ചൂടാക്കി കടുക് , ജീരകം, ഉള്ളി ,കറിവേപ്പില, വറ്റൽമുളക് എന്നിവ ചേർത്ത് മൂപ്പിച്ച് കറിയിലേക്ക് ചേർക്കുക.
▪️ സ്വാദിഷ്ടമായ കോളിഫ്ലവർ കറി റെഡി.