sections
MORE

10 മിനിറ്റുകൊണ്ട് സ്പോഞ്ച് കേക്ക് തയാറാക്കാം

Cake Recipe
SHARE

ആർക്കും എളുപ്പത്തിൽ തയാറാക്കാം,  അവ്നും ബീറ്ററും ഒന്നുമില്ലാതെ സ്പോഞ്ച് കേക്ക് പത്തുമിനിറ്റു കൊണ്ട് തയാറാക്കുന്നതെങ്ങനെയെന്നു നോക്കാം.

ചേരുവകൾ

  • മുട്ട -അഞ്ച് എണ്ണം
  • മൈദ - 2 കപ്പ്
  • പഞ്ചസാര-1 1/2 കപ്പ്
  • ബേക്കിങ് പൗഡർ-1 1/2 ടേബിൾ സ്പൂൺ
  • സൺഫ്ലവർ ഓയിൽ- 1 കപ്പ്
  • വാനില എസൻസ് -1 ടേബിൾ സ്പൂൺ

തയാറാക്കുന്ന വിധം

∙ അരിപ്പയിലേക്ക് 2 കപ്പ് മൈദയും ഒന്നര ടേബിൾ സ്പൂൺ ബേക്കിങ് പൗഡറും ഇട്ട് അരിച്ചെടുക്കുക.
∙ ഇതിലേക്ക് ഒരു കപ്പ് സൺഫ്ലവർ ഓയിൽ കൂടി മിക്സ് ചെയ്യുക ഈ മിശ്രിതം മാറ്റിവയ്ക്കുക.
∙ ഒരു മിക്സിയുടെ ജാറിൽ ഇതിലേക്ക് 5 മുട്ടയും ഒന്നരക്കപ്പ് പഞ്ചസാരയും ഒരു ടേബിൾസ്പൂൺ വാനില എസൻസും കൂടി നന്നായി അടിച്ചെടുക്കുക. ഈ മിക്സ് നേരത്തെ തയാറാക്കി വച്ചിരിക്കുന്ന മൈദ സൺഫ്ലവർ കൂട്ടിലേക്ക് മിക്സ് ചെയ്ത് എടുക്കുക.
∙ പ്രീ–ഹീറ്റ് ചെയ്ത സാൻഡ്‌വിച്ച് മേക്കറിലേക്ക്, ബട്ടർ പുരട്ടി കേക്ക് മിക്സ് ഓരോ ടേബിൾസ്പൂൺ വീതം ഒഴിക്കുക. സാൻഡ് വിച്ച് മേക്കറിൽ കേക്ക് തയാറാക്കാം.

മനോരമ ഓൺലൈനിൽ നിങ്ങളുടെ പാചകക്കുറിപ്പുകൾ പ്രസിദ്ധീകരിക്കാൻ ആഗ്രഹിക്കുന്നുവെങ്കിൽ നിങ്ങളുടെ പേരും വിലാസവും വിഭവത്തിന്റെ ചിത്രവും ഉൾപ്പെടെ customersupport@mm.co.in എന്ന മെയിൽ ഐഡിയിലേക്ക് അയയ്ക്കുക.. 

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN READERS' RECIPE
SHOW MORE
FROM ONMANORAMA