പൊന്നാനിയിലെ ചൈന ചായ!

വ്യത്യസ്ത രുചിയിൽ ഒരു ചായ തയാറാക്കിയാലോ? മൂന്ന് അടുക്കുകളാണ്  ഈ ചായയുടെ പ്രത്യേകത.

ചേരുവകൾ

• പഞ്ചസാര- 3    ടേബിൾസ്പൂൺ
• വെള്ളം - 2  ഗ്ലാസ്
• തേയിലപ്പൊടി - 2 ടേബിൾസ്പൂൺ
• ഫുൾ ഫാറ്റ് പാൽ - 2  ഗ്ലാസ്

തയാറാക്കുന്ന വിധം

∙ 2 ഗ്ലാസ് വെള്ളം തിളയ്ക്കാൻ വയ്ക്കുക. തിളച്ചു വരുമ്പോൾ പഞ്ചസാര ചേർക്കാം.
∙ ഇതേ സമയം മറ്റൊരു പാത്രത്തിൽ പാൽ തിളക്കാൻ വയ്ക്കുക.പാൽ പാട കെട്ടാതെ ഇളക്കിക്കൊണ്ടേയിരികുക.
∙ വെള്ളത്തിലെ പഞ്ചസാര അലിഞ്ഞതിന് ശേഷം ചായപ്പൊടി ചേർത്ത് കൊടുക്കുക.
∙  2  ഗ്ലാസ് തേയിലവെള്ളം ഒരു ഗ്ലാസ്  ആയി കുറയുമ്പോൾ അടുപ്പിൽ നിന്നും മാറ്റുക.
∙ പാൽ തിളച്ചു 2  ഗ്ലാസ് എന്നുള്ളത് ഒന്നേമുക്കാൽ ഗ്ലാസ് ആകുമ്പോൾ വാങ്ങി വയ്ക്കുക. വലിയ ഗ്ലാസ് പാത്രത്തിൽ  പാൽ ഒഴിച്ചതിനു ശേഷം എഗ്ഗ് ബീറ്റർ ഉപയോഗിച്ച് നല്ല പത വരുന്നതു വരെ ബീറ്റ് ചെയ്ത് എടുക്കുക.

സെറ്റ് ചെയുന്ന രീതി:

-  ഒരു ഗ്ലാസിന് പകുതി കട്ടൻചായ ഒഴിക്കുക.
-  ശേഷം പാലിന്റെ പത ഇട്ടു കൊടുക്കുക ഗ്ലാസിന്റെ മുകൾ ഭാഗം വരെ.
-  ഇനി പതിയെ പാൽ ഒഴിച്ച് കൊടുക്കുക.