sections
MORE

തേങ്ങാക്കൊത്ത് ചേർത്ത നാടൻ ചിക്കൻകറി

Nadan Chicken Curry
SHARE

തേങ്ങാ കൊത്ത് ചേർത്ത നാടൻ ചിക്കൻ കറി ഇഷ്ടമല്ലാത്തവരുണ്ടോ? 

ചേരുവകൾ

  • ചിക്കൻ – 300 ഗ്രാം
  • സവാള –1
  • ചെറിയ ഉള്ളി – 10
  • ഇഞ്ചി –  ചെറിയ കഷണം
  • വെളുത്തുള്ളി –  5 എണ്ണം
  • പച്ചമുളക് – 3 എണ്ണം
  • ഏലയ്ക്ക – 2
  • ഗ്രാമ്പു – 2
  • പട്ട –  2 ചെറിയ കഷണം
  • പെരുംജീരകം – 1 ടീസ്പൂൺ
  • കുരുമുളക് – 1 ടീസ്പൂൺ
  • മുളകുപൊടി – 2 ടേബിൾസ്പൂൺ‍
  • മല്ലിപ്പൊടി – 1 1/2 ടേബിൾസ്പൂൺ‍
  • മഞ്ഞൾപ്പൊടി – 1/4 ടീസ്പൂൺ
  • ഗരം മസാല – 1/2 ടീസ്പൂൺ
  • വെളിച്ചെണ്ണ – 4 ടേബിൾസ്പൂൺ‍
  • തേങ്ങാക്കൊത്ത് – ഒരു കപ്പ്
  • കടുക് – 1/4 ടീസ്പൂൺ
  • വറ്റൽമുളക് – 3 എണ്ണം
  • കറിവേപ്പില – ആവശ്യത്തിന്

തയാറാക്കുന്ന വിധം

പാനിൽ 2 ടേബിൾസ്പൂൺ വെളിച്ചെണ്ണ ചൂടാകുമ്പോൾ, ഏലയ്ക്ക, ഗ്രാമ്പു, പെരുംജീരകം എന്നിവ മൂപ്പിച്ച് കുരുമുളക് പൊടി, മല്ലിപ്പൊടി, ഗരംമസാല, മഞ്ഞൾപ്പൊടി ഇവ ചേർത്ത് പച്ചമണം മാറുമ്പോൾ ഗ്യാസ് ഓഫാക്കി തണുത്ത ശേഷം അൽപ്പം വെള്ളം ഒഴിച്ച് അരച്ച് ചിക്കനിൽ ഉപ്പും അരച്ച മസാലയും പുരട്ടി അടച്ച് 1/2 മണിക്കൂർ മാരിനേറ്റ് ചെയ്യുക.

അരമണിക്കൂറിനു ശേഷം പാൻ ചൂടാക്കി ചിക്കൻ ചേർക്കുക. ഇതിലേക്ക് ഇഞ്ചി, വെളുത്തുള്ളി, പച്ചമുളക്, ചെറിയ ഉള്ളി ഇവ ചതച്ച് ചേർത്ത് സവാളയും 1/2 കപ്പ് വെള്ളവും ചേർത്ത് നന്നായി ഇളക്കി അടച്ചു വെച്ച് വേവിക്കുക. ഇടയ്ക്ക് ഇളക്കി കൊടുക്കണം. വെന്ത് ചാറ് കുറുകി വരുമ്പോൾ ഇറക്കി വയ്ക്കാം. ചീനചട്ടിയിൽ 2 ടേബിൾസ്പൂൺ‍ വെളിച്ചെണ്ണ ഒഴിച്ച്, തേങ്ങാ കൊത്ത് വറുക്കുക. മൂത്ത് വരുമ്പോൾ കടുകും വറ്റൽ മുളകും കറിവേപ്പിലയും ചേർത്ത് മൂപ്പിച്ച് കറിയിൽ ചേർക്കുക. നല്ല നാടൻ തേങ്ങാ കൊത്ത് ഇട്ട ചിക്കൻ കറി റെഡി.

English Summary: Nadan Kerala Chicken Curry Recipe

മനോരമ ഓൺലൈനിൽ നിങ്ങളുടെ പാചകക്കുറിപ്പുകൾ പ്രസിദ്ധീകരിക്കാൻ ആഗ്രഹിക്കുന്നുവെങ്കിൽ നിങ്ങളുടെ പേരും വിലാസവും വിഭവത്തിന്റെ ചിത്രവും ഉൾപ്പെടെ customersupport@mm.co.in എന്ന മെയിൽ ഐഡിയിലേക്ക് അയയ്ക്കുക.. 

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN READERS' RECIPE
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
FROM ONMANORAMA