പെട്ടെന്ന് തയാറാക്കാം പനീർ ടിക്കാ മസാല
Mail This Article
പ്രഭാത ഭക്ഷണത്തിനൊപ്പം രുചികരമായ പനീർ ടിക്കാ മസാല എളുപ്പത്തിൽ എങ്ങനെ തയാറാക്കാമെന്നു നോക്കാം.
ചേരുവകൾ
- പനീർ - 150 ഗ്രാം
- സവാള – 2
- കാപ്സിക്കം – 1/2 ചതുരത്തിൽ മുറിച്ചത്
- തക്കാളി – ഒന്ന് പ്യൂരി
- പച്ചമുളക് – 2
- ഇഞ്ചി – ചെറിയ ഒരു പീസ
- വെളുത്തുള്ളി – 8 അല്ലി
- തൈര് – 2 സ്പൂൺ.
- മുളകുപൊടി– 2 1/2 ടീസ്പൂണ്
- മല്ലിപ്പൊടി – 2 ടീസ്പൂണ്
- മഞ്ഞൾപ്പൊടി – 1/4 ടീസ്പൂണ്
- പനീർമസാല – 1/2 ടീസ്പൂണ്
- ജീരകപ്പൊടി – 1/2 ടീസ്പൂണ്
- കസൂരി മേത്തി – ഒരു നുള്ള്
- കാഷ്യു പേസ്റ്റ് – 4 ടേബിൾ സ്പൂൺ
- ഫ്രഷ് ക്രീം – 2 ടീസ്പൂൺ
- ഉപ്പ് – ആവശ്യത്തിന്
- പഞ്ചസാര – ഒരു നുള്ള് (ആവശ്യമെങ്കിൽ)
- ഓയിൽ – ആവശ്യത്തിന്
- വെള്ളം
- മല്ലിയില
തയാറാക്കുന്ന വിധം
രണ്ടു സ്പൂൺ മുളകു പൊടിയും 2 സ്പൂൺ മല്ലിപൊടിയും അര സ്പൂൺ ജീരകം പൊടിച്ചതും മഞ്ഞൾപ്പൊടിയും ഉപ്പും പനീർ മസാലയും നന്നായി പേസ്റ്റുപോലെയാക്കി അതിൽ പനീറും ചതുരത്തിൽ അരിഞ്ഞ കാപ്സിക്കവും ഒരു സാവാളയും നന്നായി മിക്സ് ചെയ്ത് 1/2 മണിക്കൂർ ഫ്രിഡ്ജിൽ വെച്ചതിന് ശേഷം എണ്ണ ഒഴിച്ച് വറുത്ത് മാറ്റി വയ്ക്കുക.
എണ്ണ ചൂടാക്കി സവാള, ഇഞ്ചി, വെളുത്തുള്ളി, പച്ചമുളക് എന്നിവ പച്ചമണം മാറുന്നതു വരെ വഴറ്റുക. 1/2 ടീസ്പൂൺ മുളകുപൊടിയും മഞ്ഞൾപ്പൊടിയും 1/2 സ്പൂൺ ജീരകപൊടിയും പനീർ മസാലയും ഉപ്പും ചേർത്ത് പച്ച മണം മാറുമ്പോൾ തക്കാളി പ്യൂരി ( തക്കാളി വെളളത്തിൽ തിളപ്പിച്ച് അതിന്റെ പുറം തൊലി കളഞ്ഞ് അരച്ചത് )ചേർത്ത് നന്നായി വഴറ്റുക. ഇതിലേക്ക് കാഷ്യു പേസ്റ്റ് ചേർത്ത് ഇളക്കുക. 1/2 കപ്പ് വെള്ളവും വറുത്തെടുത്ത പനീർ കൂട്ടും ചേർത്ത് തിളപ്പിച്ച് ചാറ് കുറുകുമ്പോൾ കസൂരി മേത്തിയും ഒരു നുള്ള് പഞ്ചസാരയും ചേർത്ത് തീ ഓഫ് ചെയ്യാം. മല്ലിയിലയും ഫ്രഷ് ക്രീമും കൊണ്ട് അലങ്കരിക്കാം. പനീർ ടിക്കാ മസാല റെഡി.
English Summary: Paneer Tikka Masala