sections
MORE

മീൻ ഇല്ലാതെ മീൻ പൊരിക്കാം, വെജിറ്റേറിയൻ സ്പെഷൽ രുചി

banana-fishmasala
SHARE

വീട്ടിൽ മീൻ ഇല്ലെങ്കിലും ചോറിനു കൂട്ടാൻ ഒരു ഫ്രൈ ചെയ്യാം. വാഴയ്ക്കാ ഉപയോഗിച്ച് മീൻ  രുചിയെ കടത്തിവെട്ടുന്നൊരു രുചിക്കൂട്ട്.

ചേരുവകൾ 

  • വാഴയ്ക്ക - 2
  • ഇഞ്ചി - 2 ചെറിയ കഷ്ണം
  • വെളുത്തുള്ളി - 3
  • ഗ്രാമ്പു - 3 
  • പട്ട – ചെറിയ കഷ്ണം 
  • ജീരകം - ½ സ്പൂൺ 
  • കുരുമുളക് - 1/2 സ്പൂൺ
  • ഉപ്പ് - 1/2 സ്പൂൺ
  • പച്ചമുളക് - 1
  • മുളകുപൊടി  -1 സ്പൂൺ
  • മഞ്ഞൾപ്പൊടി - 1/4 സ്പൂൺ
  • ഗരം മസാല - 1/4 സ്പൂൺ
  • തൈര് – 2 സ്പൂൺ
  • നാരങ്ങ - ½
  • എണ്ണ - 1/4കപ്പ്‌ 

തയാറാക്കുന്ന  വിധം 

1) വാഴയ്ക്ക രണ്ടറ്റവും തൊലിയും കളഞ്ഞ് നീളത്തിൽ മൂന്നായി മുറിച്ചെടുക്കുക.

2) ഓരോ കഷണവും പകുതിയാക്കിയ ശേഷം, 4 വശത്തും ചെറുതായി മുറിച്ച്, നടുവിൽ ഒരു ചതുര ആകൃതിയിൽ മുറിച്ചെടുക്കാം (മീനിന്റെ ആകൃതി ലഭിക്കാനാണ് ഇങ്ങനെ ചെയ്യുന്നത്)

3) മുറിച്ചെടുത്ത ശേഷം വാഴയ്ക്ക കഴുകി വൃത്തിയാക്കുക.

4) ഇഡ്​ഡലി പാത്രത്തിൽ വെള്ളം ഒഴിച്ച് ചൂടാക്കി, മുറിച്ച് വച്ച വാഴയ്ക്ക കഷ്ണങ്ങൾ ആവിയിൽ 10 മിനിറ്റ് വേവിക്കുക.

5) മസാല തയാറാക്കാൻ 

ഇഞ്ചി -2 ചെറിയ കഷ്ണം, വെളുത്തുള്ളി, ഗ്രാമ്പു -3, പട്ട ചെറിയ കഷ്ണം, ജീരകം -½ സ്പൂൺ , കുരുമുളക് -1/2സ്പൂൺ , ഉപ്പ് -1/2സ്പൂൺ , പച്ചമുളക് -1 എന്നിവ 2 സ്പൂൺ വെള്ളം ചേർത്ത് മിക്സിയുടെ ജാറിൽ അരച്ചെടുക്കുക.

6)അരച്ചെടുത്ത മസാലയിൽ 3 സ്പൂൺ എണ്ണ ചേർത്ത് യോജിപ്പിക്കുക. ഇതിൽ 1 സ്പൂൺ മുളകുപൊടി, 1/4 സ്പൂൺ മഞ്ഞൾപ്പൊടി , 1/4സ്പൂൺ ഗരം മസാല , 2 സ്പൂൺ തൈര് , പകുതി നാരങ്ങാനീരും ചേർത്ത് നന്നായി യോജിപ്പിക്കുക. ഈ മസാലയിലേക്ക് വേവിച്ചു വച്ച വാഴയ്ക്ക ചേർത്ത് യോജിപ്പിക്കുക. അരമണിക്കൂറിനു ശേഷം വറുത്തെടുക്കാം.

English Summary: Banana Fry in Fish Masala

മനോരമ ഓൺലൈനിൽ നിങ്ങളുടെ പാചകക്കുറിപ്പുകൾ പ്രസിദ്ധീകരിക്കാൻ ആഗ്രഹിക്കുന്നുവെങ്കിൽ നിങ്ങളുടെ പേരും വിലാസവും വിഭവത്തിന്റെ ചിത്രവും ഉൾപ്പെടെ customersupport@mm.co.in എന്ന മെയിൽ ഐഡിയിലേക്ക് അയയ്ക്കുക.. 

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN READERS' RECIPE
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
FROM ONMANORAMA