വയറിളക്കം മാറാൻ ഇത് ഒരു ഗ്ലാസ് കുടിച്ചാൽ മതി...

വയറിളക്കം നിസാരമായി കാണരുത്. ആഹാരശീലങ്ങൾ മാറുമ്പോഴാണ് സാധാരണ ഈ പ്രശ്നം വരുന്നത്. വീട്ടിൽ തന്നെ തയാറാക്കാവുന്ന നാട്ടുമരുന്നിന്റെ കുറിപ്പ് നോക്കാം.

ചേരുവകൾ

• ഉലുവ - 1 ടീസ്പൂൺ
• ജീരകം - 1 ടീസ്പൂൺ
• പേരയുടെ തളിർ ഇല- 4-5
• പഞ്ചസാര - 1 ടീസ്പൂൺ
• ഉപ്പ് - ഒരു നുള്ള്

തയാറാക്കുന്ന വിധം

• പാത്രത്തിൽ ഉലുവയും ജിരകവും വറുത്തതിനു ശേഷം 2 ഗ്ലാസ്സ് വെള്ളവും പേരയുടെ ഇലയും ചേർത്ത് തിളപ്പിക്കുക.
• വെള്ളം പകുതിയായി വറ്റി വന്ന ശേഷം ഒരു ഗ്ലാസിലേക്ക് അരിച്ചെടുത്ത് തണുത്തതിനു ശേഷം പഞ്ചസാരയും ഉപ്പും ചേർത്ത് ഇളക്കി നാലോ അഞ്ചോ തവണയായി കുടിയ്ക്കുക.
• ഒപ്പം തന്നെ ധാരാളം വെള്ളവും കുടിയ്ക്കുകയാണെങ്കിൽ മറ്റു മരുന്നുകൾ കൂടാതെ തന്നെ വയറിളക്കം മാറുന്നതാണ്.

English Summary: How to treat diarrhea at home