ഉള്ളു കുളിർപ്പിക്കാൻ കരിമ്പ് കൊണ്ടൊരു കുലുക്കി സർബത്ത്
Mail This Article
×
വേനൽക്കാലം തുടങ്ങിക്കഴിഞ്ഞു... കുളിർമയേകുന്ന ഒരു കുലുക്കി സർബത്ത് ഉണ്ടാക്കിയാലോ. അതും വീട്ടിൽ തന്നെ
ചേരുവകൾ:
- കരിമ്പ് – 1/2 മീറ്റർ നീളത്തിൽ
- കറുത്ത കസ്കസ് – 1 ടീസ്പൂൺ
- വെള്ളം – ആവശ്യത്തിന്
- ഇഞ്ചി ചെറുതായി നുറുക്കിയത് – 1/2 ടീസ്പൂൺ
- ചെറുനാരങ്ങ – 1
- പുതിന ഇല
- മുളക് –1 കഷണം
- ഐസ് ക്യൂബുകൾ
- പഞ്ചസാര – ആവശ്യമുണ്ടെങ്കിൽ മാത്രം
തയാറാക്കുന്ന വിധം
- കസ്കസ് കുറച്ചു വെള്ളം ഒഴിച്ചു കുതിരാൻ വയ്ക്കുക.
- കരിമ്പ് തൊലി കളഞ്ഞു ചെറുതായി മുറിക്കുക. മിക്സിയിൽ വളരെ കുറച്ചു വെള്ളം ചേർത്ത് നന്നായി അരച്ചെടുക്കുക. ഈ ജ്യൂസ് അരിപ്പയിലൂടെ അരിച്ചെടുക്കുക.
- ഒരു വലിയ ഗ്ലാസിൽ ഈ ജ്യൂസും 1 ടീസ്പൂൺ കസ്കസും ഇഞ്ചിയും പകുതി നാരങ്ങയുടെ നീരും ഒരു കഷ്ണം നാരങ്ങയും പുതിനയും മുളകും ഐസ് കഷ്ണങ്ങളും ഇടുക. ആവശ്യമെങ്കിൽ മാത്രം പഞ്ചസാര ചേർക്കുക. വേറൊരു ഗ്ലാസ് കൊണ്ട് ഈ ഗ്ലാസ്സിനെ അടച്ചു വെച്ചു നന്നായി കുലുക്കുക.
- ഗ്ലാസിലേക്ക് ഒഴിച്ചു തണുപ്പോടു കൂടി വിളമ്പുക.
English Summary: Karimbu Kulukki Sarbath
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.