ചിക്കൻകറിയിൽ എന്താ ഉലുവ ചീരയ്ക്ക് സ്ഥാനം! ഉണ്ടാക്കാം വെറൈറ്റി കറി

ചിക്കന്റെ വില നേർ പകുതിയായി കുറഞ്ഞിരിക്കുകയാണ്, ഹൈദരബാദി സ്പെഷൽ രുചികരമായ ചിക്കൻ കറി വയ്ക്കാൻ താത്പര്യപ്പെടുന്നവർക്ക് ഇതാ ഒരു രസികൻ പാചകക്കുറിപ്പ്.

ചേരുവകൾ

• ചിക്കൻ - 750 ഗ്രാം
• ചിക്കൻ കഷണങ്ങളിൽ 1/2 ടീസ്പൂൺ ഉപ്പും 1/2 ടീസ്പൂൺ മഞ്ഞൾപ്പൊടിയും 1 ടേബിൾ സ്പൂൺ തൈരുംചേർത്ത് മാരിനേറ്റ് ചെയ്തു അര മണിക്കൂർ മാറ്റി വയ്ക്കുക.

ആവശ്യമുള്ള ചേരുവകൾ

• ഉലുവാ ചീര – കപ്പ്
• പട്ട – 2 കഷണം 
• ഏലയ്ക്ക –  8 
• ഗ്രാമ്പൂ – 6 
• വഴനയില –  2
• ജീരകം – 1/2 ടീസ്പൂൺ 
• സവാള – 1 ചെറുതായി അരിഞ്ഞത്  
• ഇഞ്ചി – 3 ടേബിൾ സ്പൂൺ 
• വെളുത്തുള്ളി – 2 ടേബിൾസ്പൂൺ 
• പച്ചമുളക് –  3 
• തക്കാളി – 1 
• വെള്ളം – 1/2 കപ്പ് 
• തൈര് –  1/2 കപ്പ്  

ആവശ്യമുള്ള മസാലകൾ ;

• മഞ്ഞൾപ്പൊടി – 1/2 ടീസ്പൂൺ 
• മല്ലിപ്പൊടി – 1 1/2 ടീസ്പൂൺ 
• കശ്മീരി മുളകുപൊടി – 1/2 ടീസ്പൂൺ
• ഉലുവച്ചീര – ഒരു കപ്പ്

തയാറാക്കുന്ന വിധം

തന്നിരിക്കുന്ന ചേരുവകളെല്ലാം യഥാക്രമം വഴറ്റുക അതിനുശേഷം അതിലേക്ക് മസാലകൾ ചേർത്ത് പച്ചമണം മാറിയതിനുശേഷം കോഴിക്കഷണങ്ങളും ഉലുവ ചീരയും ചേർത്ത് മൂടിവെച്ച് 20 മിനിറ്റ് ചെറുതീയിൽ പാകം ചെയ്യുക.

അതിനു ശേഷം 1/2 ടീസ്പൂൺ ഗരം മസാലപ്പൊടിയും 1 ടീസ്പൂൺ കസൂരിമേത്തി, അരക്കപ്പ് ക്രീമും ചേർത്ത് 5 മിനിറ്റ് കുക്ക് ചെയ്യുക. പിന്നീട് നീളത്തിൽ അരിഞ്ഞ ഇഞ്ചി കഷണങ്ങളും മല്ലിയിലയും ചേർത്ത് വിളമ്പാം. ജാതിക്കപ്പൊടി 1/2 ടീസ്പൂൺ ചേർക്കാവുന്നതാണ്.

ശ്രദ്ധ വേണം, ഇറച്ചി കഴിക്കാം : ബുൾസ് ഐ പോലെ പകുതി വേവിച്ച മുട്ടയും മാംസവും വേണ്ട

പക്ഷിപ്പനിക്കു കാരണമായ വൈറസ് 60 ഡിഗ്രി ചൂടിൽ അര മണിക്കൂറിനുള്ളിൽ നശിച്ചു പോകുമെന്നതിനാൽ നന്നായി പാചകം ചെയ്ത മുട്ട, കോഴിയിറച്ചി എന്നിവ ഭക്ഷ്യയോഗ്യമാണെന്നു മൃഗസംരക്ഷണ ഡയറക്ടർ അറിയിച്ചു. ബുൾസ് ഐ പോലെ പകുതി വേവിച്ച മുട്ടയും മാംസവും കഴിക്കരുത്. പച്ച മാംസം കഷണങ്ങളാക്കാനും പാചകത്തിനും എടുത്താൽ കൈകൾ നന്നായി കഴുകണം. 

English Summary: Methi Chicken , Chicken Curry