ഗോതമ്പുപൊടികൊണ്ട് നാടൻ പാൽ കേക്ക് 

ചായക്കടകളിലെ കണ്ണാടിക്കൂട്ടിൽ ഇരിക്കുന്ന പാൽ കേക്ക് എളുപ്പത്തിൽ ഗോതമ്പുപൊടി ഉപയോഗിച്ച് തയാറാക്കുന്നത് എങ്ങനെയെന്നു നോക്കാം.

ചേരുവകൾ

▪️ഗോതമ്പ് പൊടി - 1 കപ്പ് 
▪️പാൽ - ¼ കപ്പ് 
 ▪️മുട്ട - 1 എണ്ണം 
▪️പഞ്ചസാര - 6 ടേബിൾ സ്പൂൺ
▪️ഏലയ്ക്ക- 3 എണ്ണം 
▪️വെണ്ണ - 1 ടേബിൾ സ്പൂൺ
▪️ഉപ്പ് – ഒരു നുള്ള് 
▪️വെളിച്ചെണ്ണ – വറുക്കാൻ ആവശ്യത്തിന് 

പഞ്ചസാര ലായനി

▪️പഞ്ചസാര  - 4 ടേബിൾസ്പൂൺ
▪️വെള്ളം - 1½ കപ്പ് 
▪️ഏലയ്ക്കാപൊടി - ¼ ടീസ്പുൺ 
 ▪️നാരങ്ങാനീര് - ½ ടീസ്പുൺ 

തയാറാക്കുന്ന വിധം 

▪️ഒരു പാത്രത്തിലേക്ക് മുട്ട, പൊടിച്ച പഞ്ചസാര, ഏലയ്ക്കാപ്പൊടി എന്നിവ ചേർത്ത് ഇളക്കി യോജിപ്പിച്ചശേഷം വെണ്ണ, പാൽ എന്നിവ ചേർത്ത് ഇളക്കി യോജിപ്പിച്ച് ഇതിലേക്ക് കുറേശ്ശെ ഗോതമ്പുപൊടി ചേർത്ത് ചപ്പാത്തിമാവിന്റെ പരുവത്തിൽ കുഴച്ച് 10 മിനിറ്റ് വയ്ക്കുക.

▪️10 മിനിറ്റിനുശേഷം മാവ് ഒന്നുകൂടി കുഴച്ച് കനത്തിൽ പരത്തിയെടുത്ത് ഇഷ്ടമുള്ള ആകൃതിയിൽ മുറിച്ചെടുക്കുക.

▪️തിളച്ച വെളിച്ചെണ്ണയിൽ പാൽ‍ കേക്കുകൾ വറത്തു കോരുക. 

▪️പഞ്ചസാര ലായനി തയാറാക്കാനായി വെള്ളവും പഞ്ചസാരയും നല്ലതുപോലെ ഇളക്കി യോജിപ്പിച്ച ശേഷം ഏലയ്ക്കാപ്പൊടി ചേർത്ത് കയ്യിൽ ഒട്ടുന്ന പരുവമാകുമ്പോൾ നാരങ്ങാനീരും ചേർത്ത് ഇളക്കി മാറ്റി വയ്ക്കുക.

▪️വറുത്ത പാൽ കേക്കുകൾ ഇളം ചൂടോടുകൂടെതന്നെ പഞ്ചസാര ലായനിയിൽ ഇട്ട് 10 മിനിറ്റിനുശേഷം എടുക്കുക 

▪️രുചികരമായ പാൽ കേക്ക് റെഡി‍‍‍.