ചപ്പാത്തിക്കൊപ്പം പനീർ സബ്ജി, രുചിയോടെ വിളമ്പാം

പനീർ വിഭവങ്ങൾ കുട്ടികൾക്കും മുതിർന്നവർക്കും ഒരു പോലെ ഇഷ്ടമാണ്. പനീറിനൊപ്പം കുറച്ചു പച്ചക്കറികൾ കൂടി ആയാലോ. വ്യത്യസ്ത രുചിയിൽ സ്വാദിഷ്ടമായ പനീർ സബ്ജി എങ്ങനെ തയാറാക്കാമെന്നു നോക്കാം

ചേരുവകൾ 

• പനീർ - 700 ഗ്രാം 
• കാരറ്റ് - 2 എണ്ണം 
• കാപ്‌സിക്കം - 1 
• ബീൻസ് - 8 എണ്ണം 
• തക്കാളി - 2 എണ്ണം 
• പഞ്ചസാര - 1/4  ടീസ്പൂൺ 
• ഉപ്പ് - ആവശ്യത്തിന്
• എണ്ണ - 2 ടേബിൾസ്പൂൺ 
• മഞ്ഞൾപൊടി - 1/4  ടീസ്പൂൺ
• മുളകുപൊടി - 1/2 ടീസ്പൂൺ
• തക്കാളി സോസ് - 1 ടേബിൾസ്പൂൺ 
• ഗരംമസാല - 1/2 ടീസ്പൂൺ

തയാറാക്കുന്ന വിധം 

• പച്ചക്കറികളും  പനീറും 1 ഇഞ്ച് നീളത്തിൽ മുറിച്ചെടുക്കുക.
  
• ഒരു പാനിൽ 1 ടേബിൾസ്പൂൺ എണ്ണ ചൂടാക്കി അതിലേക്ക് കാരറ്റ്, കാപ്‌സിക്കം, ബീൻസ്, പഞ്ചസാര, ഉപ്പ് ഇവ ഇട്ട് നന്നായി യോജിപ്പിക്കുക. പാൻ അടച്ചുവെച്ചു വേവിക്കുക. ഇത് ഒരു പാത്രത്തിലേക്ക് മാറ്റിവെക്കുക.
• അതേ പാനിൽ 1 ടേബിൾസ്പൂൺ എണ്ണ ഒഴിച്ചു മഞ്ഞൾപൊടിയും മുളകുപൊടിയും  ചെറുതീയിൽ 10 സെക്കൻഡ് വഴറ്റുക.
• ഇനി തക്കാളി ഇട്ട് 1 മിനിറ്റ് വഴറ്റി പനീറും തക്കാളി സോസും ഉപ്പും ഇട്ട് നന്നായി യോജിപ്പിക്കുക. പാൻ അടച്ചുവെച്ചു 1 മിനിറ്റ് വേവിക്കുക. 
• ഇതിലേക്ക് വേവിച്ചു വച്ചിരിക്കുന്ന പച്ചക്കറികളും ഗരംമസാലയും ഇട്ട് നന്നായി യോജിപ്പിച്ചു ചൂടോടെ വിളമ്പാം.

English Summary: By using the basic recipe you can make several variations of this delicious dish