ചൂട് ചായയ്ക്കൊപ്പം കാബേജ് പക്കോഡ

കാബേജ് വച്ച് 5 മിനിറ്റിൽ ചൂട് ചായയ്ക്കൊപ്പം കഴിക്കാൻ കിടിലൻ പലഹാരം, കാബേജ് പക്കോഡ.

ചേരുവകൾ :

1.കാബേജ് അരിഞ്ഞത് - 1 കപ്പ്
2.മഞ്ഞൾപ്പൊടി - 1/2 ടീസ്പൂൺ
3.മുളകുപൊടി - 3/4 ടീസ്പൂൺ
4.അയമോദകം /ജീരകം - 1/4 ടീസ്പൂൺ
5.കടലപ്പൊടി - 2 ടീസ്പൂൺ
6.ഉപ്പ് - ആവശ്യത്തിന്
7.വെള്ളം - 3 ടീസ്പൂൺ
8.എണ്ണ - വറുക്കാൻ ആവശ്യത്തിന്

തയാറാക്കുന്ന വിധം :

കാബേജ് ഓരോ ലയർ ആയിട്ട് എടുത്ത് നീളത്തിൽ അരിയുക. അതിലേക്കു മഞ്ഞൾപ്പൊടി, മുളകുപൊടി, ജീരകം /അയമോദകം, ആവശ്യത്തിന് ഉപ്പ്, കടലപ്പൊടി എന്നിവ ഇട്ട് നന്നായി ഇളക്കുക. അതിലേക്കു 2 ടീസ്പൂൺ വെള്ളം ഒഴിച്ച് കട്ടി മാവ് ആക്കുക. എണ്ണ നന്നായി ചൂടായി വരുമ്പോൾ അതിലേക്കു ഇട്ട് വറത്തു കോരുക.

English Summary: Variety and Easy snacks with Cabbage