പല്ലിന് ബലമുള്ളവർ ട്രൈ ചെയ്തു നോക്കൂ, പാലക്കാട്ടുകാരുടെ പൊരുളൻ കായ

എളുപ്പത്തിൽ ഉണ്ടാക്കാവുന്നതും മാസങ്ങളോളം കേടു വരാതെ സൂക്ഷിക്കാവുന്നതുമാണ്. ഹെൽത്തിയും രുചികരവുമായ ഒരു നാടൻ പലഹാരം. 

• ചെറുപയർ - 500ഗ്രാം 
  
• പൊന്നി അരി - 500 ഗ്രാം 
• നുറുക്ക് ഗോതമ്പ് - 500 ഗ്രാം 
• ശർക്കര - 1/2 കിലോ 
• വെള്ളം - 1/2 ഗ്ലാസ്‌ 
• ചുക്ക് പൊടി - 1/2 ടീ സ്പൂൺ 
• ഏലക്കായ പൊടി - 1/2 ടീ സ്പൂൺ
• ഉണങ്ങിയ തേങ്ങ - ചെറുതായി കഷ്ണങ്ങൾ ആക്കിയത് 

തയാറാക്കുന്ന വിധം

• ചെറുപയർ, അരി, നുറുക്ക് ഗോതമ്പ് വേറെ വേറെ ബ്രൗൺ നിറമാകുന്ന വരെ വറുത്തെടുക്കുക. 
• തണുത്ത ശേഷം എല്ലാം കൂടി തരുതരുപ്പായി പൊടിച്ചെടുക്കുക. 
• ഈ പൊടി 1/2 കപ്പ് മാറ്റി വയ്ക്കുക. 
• ശർക്കര 1/2 കപ്പ്‌ വെള്ളം ഒഴിച്ച് തിളപ്പിക്കുക. തിളച്ചു വരുമ്പോൾ അതിലേക്ക് ചുക്ക് പൊടിയും ഏലയ്ക്കായ പൊടിയും ചേർക്കുക. ശേഷം നാളികേരം ചേർക്കുക. 
• ശർക്കര നൂൽ പരുവം ആവുന്ന വരെ തിളപ്പിക്കുക. 
• ബാക്കിയുള്ള പൊടിയിൽ ശർക്കര പാനി ഒഴിച്ച് നന്നായി യോജിപ്പിക്കുക. 
• ഉരുട്ടി എടുക്കാനുള്ള പരുവമാകുമ്പോൾ ശർക്കര പാനി ചേർക്കുന്നത് നിർത്തുക. 
• കൈയ്യിൽ തണുത്ത വെള്ളം നനച്ച ശേഷം ഉരുളകളാക്കി എടുക്കുക. ചൂടോടു കൂടി വേണം ഉരുളകളാക്കാൻ. 

Note

• ഇത് വളരെ മൃദുവായ ഒരു പലഹാരമല്ല. . 
• വളരെ ആരോഗ്യകരമായ ഒരു പഴയ കാല പലഹാരമാണ്. 
• മാസങ്ങളോളം കേടാവാതെ എടുത്ത് വെക്കാം.

English Summary: Porulvilangai Urundai Recipe,Traditional palakkad special Snack