ദോശയ്ക്കും ഇഡ്ഡലിക്കുമൊപ്പം കഴിക്കാൻ പുതിയ രുചിയിൽ ഒരു ചമ്മന്തി

പ്രഭാത ഭക്ഷണം ദോശയും ഇഡ്ഡലിയുമാണെങ്കിൽ കൂടെ ഒരു ബദാം ചമ്മന്തി തയാറാക്കിയാലോ?

ചേരുവകൾ

• 1. ബദാം-25 എണ്ണം തിളച്ച വെള്ളത്തിൽ അരമണിക്കൂർ കുതിർത്ത് തൊലി കളഞ്ഞത്
• 2. സവാള-1
• 3. തക്കാളി-1
• 4. മുളകുപൊടി -  1 ടീസ്പൂൺ
• 5. പഞ്ചസാര - 1/4 ടീസ്പൂൺ
• 6. ഉപ്പ്
• 7. വെളിച്ചെണ്ണ - 1 ടീസ്പൂൺ 

താളിക്കാൻ ആവശ്യമുള്ള സാധനങ്ങൾ

• വെളിച്ചെണ്ണ - 11/2 ടീസ്പൂൺ
• കടുക്‌ - 1/2 ടീസ്പൂൺ
• ചെറിയ ഉള്ളി - 1
• ഉണക്കമുളക്‌ - 1
• കറിവേപ്പില

തയാറാക്കുന്ന വിധം

• ഒരു പാത്രത്തിൽ ഒരു ടീസ്പൂൺ വെളിച്ചെണ്ണ ചൂടാക്കി സവാള വഴറ്റി  നിറം മാറുമ്പോൾ മുളക് പൊടി ചേർത്ത് വഴറ്റുക.
• പച്ചമണം മാറുമ്പോൾ തക്കാളിയും ബദാമും ഉപ്പും പഞ്ചസാരയും ചേർത്ത് വഴറ്റി അര കപ്പു വെള്ളവും ചേർത്ത് പത്തു മിനിറ്റ് വേവിക്കുക.
• ചൂടാറുമ്പോൾ  നന്നായി അരച്ചെടുക്കുക.
• ഒന്നര ടീസ്പൂണ് വെളിച്ചെണ്ണ ചൂടാക്കി കടുക് പൊട്ടിച്ച് ഉണക്കമുളകും ചെറിയ ഉള്ളിയും കറിവേപ്പിലയും വഴറ്റി അരച്ച ചമ്മന്തിയും ആവശ്യത്തിന് വെള്ളവും ചേർത്ത് തിള വരുമ്പോൾ തീ ഓഫ്‌ ചെയ്യാം.