സദ്യ സ്പെഷൽ ഇൻസ്റ്റന്റ് മാങ്ങാ അച്ചാർ

ഓണസദ്യയ്ക്ക് വിളമ്പാൻ വളരെ പെട്ടെന്ന് തയാറാക്കാവുന്ന മാങ്ങാ അച്ചാർ.

ചേരുവകൾ :

1. പച്ച മാങ്ങ - 2 എണ്ണം
2. നല്ലെണ്ണ - 50 മില്ലി
3. കടുക് - 1/2 ടീസ്പൂൺ
4. ചുവന്ന മുളക് - 1എണ്ണം
5. മുളകുപൊടി - 2 ടേബിൾ സ്പൂൺ
6. കായപ്പൊടി - 3/4 ടേബിൾ സ്പൂൺ
7. ഉലുവാപ്പൊടി - 3/4 ടേബിൾ സ്പൂൺ
8. ഉപ്പ് - ആവശ്യത്തിന്
9. കറിവേപ്പില 

തയാറാക്കുന്ന വിധം :

• പച്ച മാങ്ങ ചെറുതാക്കി അരിയുക. അതിലേക്ക് ഉപ്പ് ഇട്ട് ഇളക്കി വയ്ക്കുക. 
• ഒരു പാനിൽ നല്ലെണ്ണ ചൂടാക്കി കടുകും ചുവന്നമുളകും പൊട്ടിക്കുക. അതിലേക്ക് കറിവേപ്പില ഇട്ട് ഇളക്കി തീ അണക്കുക. 
• തീ അണച്ച ശേഷം മുളകുപൊടി, കായപ്പൊടി, ഉലുവാപ്പൊടി എന്നിവ ഇട്ട് നന്നായി ഇളക്കുക. അതിനുശേഷം മാങ്ങയിലേക്ക് ഇട്ട് നന്നായി ഇളക്കി യോജിപ്പിക്കുക.