കേടുകൂടാതെ സൂക്ഷിക്കാവുന്ന മാങ്ങാ തൊക്ക്

മാങ്ങാ കൊണ്ടുള്ള വിഭവങ്ങൾ ഇഷ്ടപ്പെടുന്നവർക്കായി മാങ്ങ തൊക്ക്. ദിവസങ്ങളോളം കേടുകൂടാതെ സൂക്ഷിക്കാവുന്നതുമാണ്. 

ചേരുവകൾ :

• നല്ലെണ്ണ - 2 ടേബിൾ സ്പൂൺ 
• കടുക് -2 ടേബിൾ സ്പൂൺ 
• പച്ച മാങ്ങ - 3 എണ്ണം (ചിരവിയെടുത്തത് )
• വറ്റൽ മുളക് -4 എണ്ണം (കഷ്ണങ്ങളാക്കിയത് )
• ഉപ്പ് - 1 3/4 ടീ സ്പൂൺ 
• മുളക് പൊടി -3 1/2 ടീ സ്പൂൺ 
• കായം - 1/2 ടീ സ്പൂൺ 
• ഉലുവ - 3/4 ടീ സ്പൂൺ 
• നല്ലെണ്ണ - 1 ടേബിൾ സ്പൂൺ 

ചീന ചട്ടിയിൽ എണ്ണ ചൂടാക്കി കടുക് പൊട്ടിച്ച് വറ്റൽ മുളകും ചേർത്ത് വറുക്കുക. അതിലേക്ക് ചിരവിയ പച്ച മാങ്ങ ചേർത്തിളക്കുക. ഉപ്പും മുളകുപൊടിയും ഇട്ട് നന്നായി വേവിക്കുക. ശേഷം കായവും ഉലുവയും ചേർക്കുക. അതിലേക്ക് 1 ടേബിൾ സ്പൂൺ എണ്ണ ഒഴിച്ച് തീ കെടുത്തി വാങ്ങി വയ്ക്കുക.