നാടൻ മത്തി മുളകിട്ടത്, രുചിയിൽ ഒന്നാമൻ

മത്സ്യവിഭവങ്ങളിൽ ഏറ്റവും രുചിയുള്ള ഒന്നാണ് മത്തിക്കറി, പല തരത്തിൽ കറി വയ്ക്കാം. നാടൻ രുചിയിൽ മുളകിട്ട മത്തിക്കറി തയാറാക്കുന്നത് എങ്ങനെയെന്നു നോക്കാം.

ചേരുവകൾ:

• മത്തി -1/2 കിലോഗ്രാം
• ചെറിയ ഉള്ളി - 8 എണ്ണം 
• തക്കാളി -1 വലുത് 
• ഇഞ്ചി -ചെറിയ ഒരു കഷണം
• വെളുത്തുള്ളി -ഒരു ചെറിയ കഷണം 
• പച്ചമുളക് - 4 എണ്ണം 
• പച്ച മാങ്ങാ - 1 എണ്ണം 
• മുളകുപൊടി -11/2 ടേബിൾ സ്പൂൺ 
• മഞ്ഞൾപ്പൊടി -1/2 ടേബിൾ സ്പൂൺ 
• ഉപ്പ് -ആവശ്യത്തിന് 
• കറിവേപ്പില - ആവശ്യത്തിന് 
• വെളിച്ചെണ്ണ - 2 ടേബിൾ സ്പൂൺ 

തയാറാക്കുന്ന വിധം

ചെറിയ ഉള്ളിയും ഇഞ്ചിയും വെളുത്തുള്ളിയും മുളകുപൊടിയും,മഞ്ഞൾപ്പൊടിയും തക്കാളിയും ഗ്രൈൻഡറിൽ നന്നായി അരച്ചെടുക്കുക.

ശേഷം മൺചട്ടിയിൽ പച്ചമാങ്ങായും പച്ചമുളകും ഇട്ട് അതിലേക്ക് ഈ മിശ്രിതം ഒഴിച്ച് കൊടുക്കുക. നന്നായി തിളച്ചു വരുമ്പോൾ കഴുകി വൃത്തിയാക്കിയ മീനും ഉപ്പും കറിവേപ്പിലയും ചേർക്കാം. വെന്തശേഷം പച്ച വെളിച്ചെണ്ണ ഒഴിച്ച്  തീ ഓഫ് ചെയ്യുക. കുറച്ചു നേരം മൂടി വച്ചതിനു ശേഷം ഉപയോഗിക്കുക .നല്ല നാടൻ മത്തി മുളകിട്ടത് റെഡി.