ചായയ്ക്കൊപ്പം രുചിക്കാം പഞ്ഞിപോലത്തെ മാർബിൾ കേക്ക്

കേക്കുകളുടെ മണമുള്ള ഡിസബർ ഇങ്ങെത്തിക്കഴിഞ്ഞു. ക്രിസ്‌മസിനും പിറന്നാളിനുമെല്ലാം കടയിൽ നിന്നു കേക്ക് വാങ്ങുകയാണു നമ്മുടെ പതിവ്. എന്നാലിപ്പോൾ ഈ പതിവു തെറ്റിക്കുന്നവരുടെ എണ്ണം കൂടുകയാണ്. പഞ്ഞിപോലെ മൃദുലമായൊരു മാർബിൾ കേക്ക് രുചി ഇതാ...

ചേരുവകൾ :

• മൈദ  - 2 കപ്പ്‌
• മുട്ട  - 6
• പാൽ - 1/2 കപ്പ്‌
• കൊക്കോ പൗഡർ - 2 ടേബിൾസ്പൂൺ
• ബട്ടർ (തണുപ്പില്ലാത്തത്) - 1 കപ്പ്‌
• പഞ്ചസാര പൊടിച്ചത് - 1 1/2 കപ്പ്‌
• വാനില എസ്സൻസ് - 1 ടീസ്പൂൺ
• ഉപ്പ് - 1/2 ടീസ്പൂൺ
• ബേക്കിങ് പൗഡർ - 2 ടീസ്പൂൺ

തയാറാക്കുന്ന വിതം

• ഒരു ബൗളിൽ മൈദയും ഉപ്പും ബേക്കിങ് പൗഡറും കൂടി  അരിച്ച് നന്നായി യോജിപ്പിച്ച് മാറ്റി വയ്ക്കുക.

• മുട്ടയുടെ വെള്ളയും മഞ്ഞയും വേർതിരിക്കുക.

• മുട്ടയുടെ വെള്ള നന്നായി പതപ്പിച്ചു അടിച്ചെടുക്കുക. 

• ഒരു ബൗളിൽ ബട്ടറും പഞ്ചസാരയും നന്നായി യോജിപ്പിക്കുക. ഇതിൽ മുട്ടയുടെ മഞ്ഞയും വാനില എസ്സൻസും കൂട്ടിച്ചേർക്കുക. ഇതിലോട്ട് മൈദയുടെ മിശ്രിതവും പാലും ഒന്ന് ഇടവിട്ട് ചേർത്ത് ഇളക്കുക. ഇതിൽ മുട്ട വെള്ളയുടെ പതയും ചേർത്ത് മെല്ലെ യോജിപ്പിക്കുക.

• കൊക്കോ പൗഡർ ഒരു ബൗളിൽ ഇടുക. ഇതിലേക്ക് തയാറാക്കി വച്ചിരിക്കുന്ന മിശ്രിതത്തിന്റെ പകുതി ചേർത്ത് നന്നായി യോജിപ്പിക്കുക.

• 8 ഇഞ്ച് പാൻ എടുത്ത്, ബട്ടർ തടവി മൈദയും ചേർത്ത് തട്ടി എടുക്കുക.

• ഇതിൽ രണ്ടു മിശ്രിതങ്ങളും മാറി മാറി ഒഴിച്ച് കൊടുത്ത് ഒരു ടൂത്ത് പിക്ക് വച്ച് ഇളക്കി ഡിസൈൻ കൊടുക്കുക.

• പ്രീ ഹീറ്റ് ചെയ്ത അവ്നിൽ 30 - 35 മിനിറ്റ് 180 ഡിഗ്രിയിൽ ബേക്ക് ചെയ്ത് എടുക്കാം. നല്ല അടിപൊളി മാർബിൾ കേക്ക് റെഡി.

English Summary : Super Soft Marble Cake Recipe